Circulares litterae dioecesanae anno 1937. ad clerum archidioecesis strigoniensis dimissae
VIII.
: Nr. 3124. Z. Meszlényi eppus consecr. i i PIUS EPISCOPUS, SERVUS SERVORUM DEI, Dilecto Filio Zoltano Meszlényi, Protonotario Apostolico ad instar et Canonico Metropolitanae Ecclesiae Strigoniensis; electo Episcopo titulari Sinopeno et Auxiliari hodierni Archi- episcopi Strigoniensis, salutem et apostolicam benedictionem. Pro supremi apostolatus officio, quo universo christiano orbi praesidemus, illud etiam curare debemus, ut Sacrorum Antistites, ii potissimum, qui dioecesibus praesint territorii amplitudine et fidelium frequentia praestantibus, habeant aliquando Auxiliares Episcopos, qui in pontificalibus exercendis ceterisque pastoralibus muneribus obeundis validum sibi queant adiumentum praebere. Hisce autem Episcopis solet Apostolica Sedes aliquem ex illarum ecclesiarum conferre titulis, quae virtutum splendore et religionis prosperitate olim floruerunt, etsi modo temporum vicissitudine et iniuria pristinam amiserint fulgentem gloriam. Volentes itaque Nos venerabilem Fratrem Nostrum Justinianum Georgium S, R. E. Cardinalem Serédi, hodiernum Archiepiscopum Strigoni- ensem, ob iustas causas et de eius consensu, sollerti donare adiutore, de venerabilium Fratrum Nostrorum S. R. E. Cardinalium consilio, Te suprema Nostra auctoritate eius Episcopum Auxiliarem renunciamus et constituimus, ut de eiusdem licentia pontificalia exercere et cetera pastoralia munera in urbe ac tota archidioecesi Strigoniensi obire possis ac valeas. De eorundem igitur Cardinalium consilio eademque apostolica auctoritate Nostra Te ad titularem Ecclesiam episcopalem Sino- penam, metropolitanae Ecclesiae Amasenae in Helenoponto suffraganeam, per b. m. Jacobi Mariae de Amicis Episcopi obitum in praesenti vacantem, eligimus eiusque Tibi titulum conferimus cum omnibus iuribus et privilegiis, oneribus et obligationibus sublimi huic dignitati inhaerentibus. Indulgemus autem ut ca- nonicatum, quem in ipsa Metropolitana Ecclesia Strigoniensi in praesenti obtines, etiam in posterum retinere possis ac valeas, contrariis quibuscumque minime obstantibus. Volumus insuper ut, celeris quoque impletis de hire servandis, antequam episcopalem consecrationem recipias, in manibus alicuius quem malueris catholici Antistitis, gratiam et communionem cum Apostolica Sede habentis, fidei catholicae professionem et praescripta iura- menta iuxta statutas formulas emittere harum- que exemplaria, Tui dictique Antistitis subscriptione ac sigillo munita, ad Sacram Congregationem Consistorialem quantocius transmittere omnino tenearis. In tuam insuper maiorem commoditatem prospicientes, Tibi indulgemus ut extra Urbem libere et licite Episcopus consecrari queas a quolibet catholico Antistite, assistentibus ei duobus aliis catholicis Episcopis, dummodo gratiam ipsi habeant et communionem cum Apostolica Sede. Venerabili itaque Fratri Antistiti, quem ad hoc Tu elegeris, consecrationem episcopalem Tibi impertiendi munus ac mandatum per praesentes committimus. Stricte vero praecipimus ut, nisi prius quae supra diximus fidei professionem et iuramenta emiseris, nec Tu consecrationem recipere audeas, nec eam Tibi impertiatur Antistes a Te electus, sub poenis, si huic Nostro praecepto contravene- ritis, iure statutis. Firmam autem spem fiduciamque concipimus fore ut, dextera Domini Tibi assistente propitia, ecclesia Strigoniensis per tuam cum suo Archiepiscopo assiduam cooperationem tuumque studium fructuosum prospera in spiritualibus ac temporalibus incrementa suscipiat. Datum ex Arce Gandulphi, anno Domini millesima nongentesimo trigesimo septimo, die vicesima secunda mensis Septembris, Pontificatus Nostri anno sextodecimo. — A. L. Er. Thomas Pius Ü. P. Card. Boggiani m. p. Cancellarius S. R. E. — Joseph Wilpert m. p. dec. prot. ap. — Ludovicus Kaas m. p. 8
