Circulares litterae dioecesanae anno 1934. ad clerum archidioecesis strigoniensis dimissae
I.
4 Cum porro Excellentissimus ac Reverendissimus Dominus Angelus Rótta Archiepis- copus Thebarum in Acaia et in Regno Hungáriáé Nuntius Apostolicus Ordinarius vigore facultatum sibi a SSmo I). N. Pio XI. tributarum circa exsecutionem Decreti supra memorati S. Congregationis Consistorialis, literis sub die 16. Maii 1933 N. 7094/33 datis nos subdelegaverit ad idem Decretum exsecutioni mandandum, onere nobis imposito transmittendi intra sex menses tum ad Nuntiaturam Apostolicam in Metropoli Rudapest, tum ad Archiepiscopum Agriensem authenticum exemplar talis peractae exsecutionis; nos, freti facultate hac nobis subdelegata — occasione nacti Canonicae Visitationis, nuam de mandato Eminentissimi Ordinarii Strigoniensium in hac regione peregimus — pagum Rákóczitelep, praemissa inspectione et praesentibus administratoribus paroeciarum Nagybátony et Nagybárkány, a paroecia Nagybátony et ab archidioecesi Agriensi separavimus atque curatiae Mátraverebély paroeciae Nagybárkány ad archidioecesim Strigoniensem pertinentis perpetuo univimus ita quidem, ut separatio haec ac respective unio a die decimaguinla mensis Octobris anni millesimi nongentesimi trigesimi tertii etfectum sortiretur. In horum sequelam fines archi- dioecesium Agriensis et Strigoniensis ita mutavimus, ut a supradicta die 15. Octobris 1933 illud archidioecesis Agriensis territorium, quod ad dexteram fluvii Zagyva ripam versus pagum Mátraverebély extenditur, ad archidioecesim Strigoniensem pertineat et consequenter fines praefatarum archidioecesium in hac regione constituat supradictus fluvius Zagyva. Datum in Mátraverebély, die 10. Octobris 1933. Dr. Stephanas Csárszky S. S. Praelatus dom., Archidiaconus Nógrádensis, Canonicus Eccl. Metrop. Strigonien. Joannes Lang administrator paroeciae Nagybátony. Paulus Kötél administrator paroeciae Nagybárkány. Strigonii, die 1 Novembris 1933. Nr. 3671. Responsa ad proposita dubia. Emi Patres Pontificiae Commissionis ad Codicis canones authentice interpretandos, propositis in plenario coetu quae sequuntur dubiis, responderi mandarunt ut infra ad singula : I. De sacrarum reliquiarum authenlicitate. I. An Vicarius generalis, ad normam canonis 1283 § 2, speciali mandato Episcopi novum authenticitatis documentum tradere vel II. sacrae reliquiae novum sigillum apponere possit. R. Ad I. Affirmative. Ad II. Negative. II. l)e matrimonii accusatione. I. An, ad normam canonis 1971 § 1 n. 1, habilis sit ad accusandum matrimonium coniux, (pii metum aut coactionem passus sit. II. An, ad normam eiusdem canonis 1971 I 1 n. T, habilis sit ad accusandum matrimonium etiam coniux, qui fuerit causa culpabilis sive impedimenti sive nullitatis matrimonii. III. An causa impedimenti honesta et licita a coniuge apposita obstet, quominus coniux ipse habilis sit ad accusandum matrimonium, ad normam canonis 1971 í; 1 n. 1. IV. An, vi canonis 1971 ij 2, promotor iustitiae vi muneris sui agat in indicio. Ad I. Affirmative. Ad II. Negative. Ad 111. Negative. Ad IV. Affirmative. Datum Romae, e Civitate Vaticana, die 17 mensis Iulii anno 1933. L. S. P. Card. Gasparri, Praeses. I Bruno, Secretarius. Strigonii, die 10. Decembris 1933. Propositis sequentibus dubiis Pontificia Commissio de Re Biblica ita respondendum decrevit: I. Utrum viro catholico fas sit, maxime data interpretatione authentica Principum Apostolorum (Act. II, 24—33; XIII, 35—37), verba Psalmi XV, 10—11 : „Non derelinques animam meam in inferno, nec dabis sanctum tuum videre corruptionem. Notas mihi fecisti vias vitae1', sic interpretari quasi auctor sacer non sit locutus de resurrectione Domini Nostri lesu Christi ? Resp. Negative. II. Utrum, asserere liceat verba lesu Christi quae leguntur apud S. Matthaeum, XVI, 26: „Quid prodest homini, si mundum universum lucretur, animae vero suae detrimentum patiatur? Aut quam dabit homo commutationem pro anima sua?“, et pariter ea quae habentur apud S. Lucam, IX, 25: „Quid enim proficit homo si lucretur universum mundum, se autem ipsum perdat et detrimentum sui faciat?“, sensu litterali non respicere aeternam salutem animae, sed solum vitam temporalem hominis, non obstantibus ipsorum verborum tenore eorumque contextu, necnon unanimi interpretatione catholica? Resp. Negative. Die autem 1. Iulii 1933. in audientia infrascripto Rmo Consultori ab Actis benigne Nr. 3674. Re falsa duorum textuum biblicorum interpretatione.
