Circulares litterae dioecesanae anno 1934. ad clerum archidioecesis strigoniensis dimissae

IV.

28

clem iubenniS adhiberi fidem, quae hisce adhiberetur Litteris, si forent exhibitae vel ostensae.

Nulli igitur liceat paginam hanc Nostrae concessionis, voluntatis et declarationis infringere, vel ei, ausu temerario, contra ire. Quod si quis attentare praesumpserit, indignationem Omnipotentis Dei ac beatorum Apostolorum Petri et Pauli se noverit incursurum.

Datum Romae, apud Sanctum Petrum, die secundo mensis Aprilis anno millesimo nongentesimo tricesimo quarto, Pontificatus Nostri decimo tertio.

Fr. T. Pius 0. P. Card. Boggiani.

Cancellarius S. R. E.

Laurentius Card. Lauri Paentientiarius Maior.

*

* *

Dum litteras has Apostolicas, benignitatis Vicarii Christi testes, hisce publici iuris facimus, volumus ac mandamus, ut extensum hoc sacrum Jubilaeum a parochis vel eorum vicem gerentibus, a professoribus religionis et calechetis omnibusque curam animarum habentibus quantocyus fidelibus indicetur. Conditiones autem lucrandae indulgentiae, adiunctis archidioecesis nostrae accomodatas, pro munere Nobis inhaerente, ad tramitem Litterarum Apostolicarum, praesentium serie declaramus:

I. Quicunque gratiarum Iubilaei participes fieri volunt, ad duodecim visitationes tenentur in ecclesiis designatis, ibique ad preces in n. III. Constitutionis praescriptas et ad mentem Summi Pontificis, i. e. pro libertate Ecclesiae, pro pace et concordia populorum, pro diffusione operae Missionalium reversioneque dissidentium in sinum Ecclesiae, et pro repulsa et conversione „Atheorum Militantium“, recitandas. Debent insuper confiteri et S. Communione refici, ante terminatas utique visitationes. Cui obligationi non satisfit per confessionem annuam lege universali ecclesiastica praescriptam nec Communione paschali. Econtra indulgentias Iubilaei lucrari possunt, quibus Communio per modum Viatici administratur. Si qui quocunque titulo dispensationem a visitandis ecclesiis obtinent, e gr. aegroti, in carcere detenti, — a precibus ad mentem Pontificis recitandis eximi tamen non possunt. Nec hae preces imminuantur, nisi in commodum aegrotantium.

Ad effectum Iubilaei pia haec exercitia toties suffragantur, quoties perficiuntur, et etiam in refrigerium animarum defunctorum converti possunt.

II. Ecclesiae visitandae autem sunt :

Strigonii ecclesia Metropolitana, ecclesiae

parochiales S. Petri et Pauli L. R. Civitatis, ecclesia in Civitate Aquatica, ecclesia Fratrum Minorum.

In omnibus parochiis, Rudapestini et in aliis civitatibus, oppidis pagisque existentibus, praeter parochiales seu matrices ecclesias tres alias sacras aedes vel oratoria publica ipsi parochi designent designatasque Budapestini Vicario Nostro generali, alibi Ordinatui Stri- goniensi notificent, quibus designationibus si infra decem dies non contradicitur, easdem pro approbatis habeant. Capellae vel oratoria designanda talia sint opportet, in quibus sacrum celebratur interdum sacrificium et in quibus tempore saltem visitationis Sacrae Species asserventur. Infra ambitum parochiarum ecclesiae filiales vel curatiales opportune eligentur. Quae si in terno (praeter parochia- lem) numero non habentur, visitationes duodecim aeque dispertitae in minore quoque numero ecclesiarum, imo in unica parochiali peragi possunt, prouti ex Constitutione Apostolién perlucide constat.

III. Vi facultatis, citata Constitutione Apostolién n. VII. 3. Nobis impertitae, visitationes ad binas tantum reducimus, si parochiani duce suo parocho vel eius vicem gerente, aut variae sodalitates, piae uniones congregationesque, duce suo moderatore ecclesiastico, sollemni in processione ad visitandas ecclesias procedunt. Ubi arcti temporis ratio postulat, tales processiones in parochiis sic quoque commode institui poterunt, ut praehabitis Missa vel (post meridiem) Litaniis, ex una ecclesia ad alteram fideles se conferant, ibique preces praescriptas in communi fundant; deinde revertantur ad ecclesiam, unde egressus fiebat, preces secunda vice ibidem peragentes et sic sollemnitatem finientes. Ubi modo unica praesto est ecclesia pro visitatione designata, ibi precibus prima vice peractis egressus processionalis fiat ad crucem aliquam prouti diebus rogationis fieri solet, post regressum autem in ecclesiam parochia- lem secunda vice visitatio iuxta normam peragatur. Ubi autem commode fieri potest, duplex haec visitatio et processio diebus seiun- ctis perficiatur. Processionibus his etiam peregrini vel fideles ex aliis parochiis interessé possunt aequis cum fructibus piacularibus, ac parochiani proprii, si ceteris conditionibus supra recensitis satisfecerint.

IV. Archicapitulum Strigoniense die opportuno a Vicario meo Generali adhuc praestituendo, Me duce inquantum fieri poterit, sollemni praemisso in Basilica Metropolitana sacro, processionem semel tantum ad ecclesias