Circulares literae dioecesanae anno 1928. ad clerum archidioecesis strigoniensis dimissae
X.
39 Nr. 3373. Celebratio Conventus Eucharistici et Litterae Pontificiae. Litteris Circularibus die 3. Septembris datis Nationalem Conventum Eucharisticum indiximus firma spe freti fore, ut Conventus hic, antecedenter ad annuum Congressum Catholicum celebrandus, tum ad fovendam fidelium pietatem et ad cultum SSmi Sacramenti augendum, tum ad novam glorificationem Christi Regis sub figura panis arcane latentis cederet. Interim Summus Pontifex, quem de optatis Nostris certiorem facere haud cunctati sumus, recentissimam dare cupiens paterni erga gentem Nostram amoris significationem Nos munere Legati sui auxit, ita ut consultationibus et sacris functionibus, durante Conventu, pro persona ipsius Pontificis Nobis licuerit interessé. Sicuti omnibus in votis erat facileque praevideri poterat, revera Pontificiae voluntatis propensio, qua Legatum ad Congressum mittere voluit, splendorem dierum Eucharistico cultui sacratorum permultum augebat. Testes istis diebus fuimus mirae pietatis fer- ventisque zeli, quo fideles consultationibus Conventus interessé, sacra Synaxi se ;munire, opera pietatis exercere sanctaque proposita, auscultato Dei verbo, statuere certatim satagebant. Finem omni expectatione gloriosiorem Conventui posuit processio Theophorica, quae coelo sereno, adstante et Christum Eucharisticum comitante immensa fidelium multitudine, vespere diei 9. Octobris celebrata est. Praeeunte Legato Pontificio aderant nuntius apostolicus, episcopi, proceres Regni, auctoritates nedum ecclesiasticae, sed etiam civiles et militares, qui Christum Regem per plateas principis civitatis ab ecclesia parochiali ad S. Stephanum humili gressu inter sacros hymnos et orationes secuti sunt usque ad palatium Comitiorum, in cuius fronte altare pro SSma Eucharistia erectum erat. Dum ex suggestu Nobis ibi parato immensam fidelium multitudinem prespiceremus, summam ex pietate eorum cepimus voluptatem et animum Nostrum orandi studium vi penitus insolita commovit. Grates egimus Deo, qui fluenta fidei et charitatis cordibus fidelium immittere pietatemque eorum mirum in modum suscitare voluit. Rogavimus deinde Christum Eucharisticum, ut amorem, quem fideles Nostri istis diebus ei testati sunt, gratiis remunerari caritatemque sui magis ac magis dignetur diffundere. Christe Rex, fac habeas gentem hanc et diffusa Tui caritate suscita hic Regnum Tuum. * Opportunum duximus litteras autographas Summi Pontificis, quibus Nos Legatum suum constituerat, hic in perpetuam rei memoriam in extenso typis mandare: Dilecto Filio Nostro Justiniano G. Tit. SS. Andreae et Gregorii ad Clivum Scauri S. R. E. Presb. Cardinali Serédi Archiepiscopo Strigoniensi PIUS PP. XI. Dilecte Fili Noster, salutem et apostolicam benedictionem. Certe non sine Dei nutu invectus mos est, his temporibus, Conventus Eucharisticos per catholicum orbem celebrandi: omnes enim experiendo novimus quantum ii conferant, non modo ad catholicam fidem, quae passim frigescit, roborandam, sed etiam ad eam vulgo excitandam caritatem, quae una potest in Christo homines populosque inter se arcte conjungere. Laeto igitur animo nuntium accepimus congressum huiusmodi, te quidem auctore atque auspice, istic jam apparari ex Hungária universa, quo cultus magis magisque promoveatur Sacramenti augusti, itemque ut ad communem quandam erga cle- mentissimum Deum expiationem res cedat. Ita precibus simulque studio per eos dies operam vos dabitis: precibus scilicet pie liturgicis sancteque theologicis. De opere tam frugifero debita sane te laude honestamus, iisque omnibus gratulamur vehementer qui in eo exsequendo te juvant. Quoniam vero consentaneum omnino est ut in rebus tam magni ponderis aliquis Purpuratus Pater Nostram 10
