Circulares literae dioecesanae anno 1928. ad clerum archidioecesis strigoniensis dimissae

II.

quo solo quiescere potest anima nostra. Tuto autem invenire poterimus Deum, ubi omnibus nostris obligationibus pro conscientiae officio satisfecerimus, sive rem perceperit terrestris Superior, sive non perceperit, sive retributionem dederit, sive non dederit: Deus namque semper videt et certo retribuet. Ut autem subditos sapienter regere et gubernare valeamus, praecipue sinceritate erga ipsos propriosque Superiores feramur: numquam desit erga subditos monentis officium, erga Superiores candida confessio bonorum pariter et malorum, ut ipsi rite edocti medicinam parare valeant opportunam.

Vos quoque alloquimur, desideratissimi iuvenes, qui in spem Archidioecesis crescitis: praeparemini sancto zelo pro ardua missione, quam Deus dabit vobis. Estote dociles; progredimini in doctrina ac pietate, futurosque pro bono Archidioecesis et Ecclesiae labores fervidis interim orationibus praeoccupate.

Conservemus, Venerabiles Fratres, et foveamus unitatem fidei, morum et disciplinae, ut Christus habitet in nobis! Pignus istius unitaLis omnibus vobis, Venerabiles Fratres, Cleroque iuniori, paterna caritate complexis, primam nostram benedictionem peramanter impertimus.

Datum Strigonii, die 29. Januarii, anni 1928.

Justinianus m. P.

Cardinalis, Archiepiscopus Strigonien., Princeps Primas Hungáriáé.