Circulares literae dioecesanae anno 1924. ad clerum archidioecesis strigoniensis a Joanne Cardinale Csernoch principe primate regni Hungariae et archiepiscopo dimissae

V.

VENERABILI CLERO ARCHIDIOECESIS STRIGONIENSIS TAM SAECULARI QUAM REGULARI

Salutem in Domino !

Benignitate divitis in misericordia Dei Archipraesul Noster, pater amantissimus, mox quinquagesimum sacerdotii natalem erit celebraturus. Minime ignotum est vobis, Ven. Fratres, quanta animi alacritate omnes huius almae dioecesis fideles, imo quotquot in Hungária existunt catholici, se parent ad devotionem contestandam, qua Praesulem prosequuntur iubilantem. Multa erunt amoris testimonia, frequentes gestientis animi significationes, quamvis venerandus Pastor externam felicis eventus recordationem a se declinare cupiat, ne aliquo modo Ipsi tribuantur ea. quae Ipse grato animo soli referre vult Deo. Festivis quae parantur sollemnitatibus nos, Ven. Fratres, praeire debemus, nedum quia speciali Arehipraesuli coniuncti sumus obedientiae vinculo vocatique ad eundem pascendum dominicum gregem, cui ipse praefectus est. sed praesertim ratione beneficiorum, quae accepimus, paternique amoris, quem in dies experimur.

Grato animo ea recolimus, quae Deus spatio quinquaginta annorum per Archipraesulem Nostrum operatus est. Hanc annorum seriem recogitantes illud singulare in vita amantissimi Patris observamus, quod nullum fuit sacerdotii munus, in quo solertiae apostolicae non praebuerit testimonia. Auctus sacerdotio, ad quod doctrinae ac virtutis opes in Collegio Pazmaniano et in Sublimiore Instituto Theologico Viennensi comparatas attulerat, munus gerebat cooperatoris, professoris theologiae moxque in aulam praedecessoris sui. Card. Simor vocatus esi. Deinde civitates residentiales Strigonii, Temesvárim et Coloczae Eum complexae sunt canonicum, parochum, episcopum, archiepiscopum, denique, praemissa regia designatione, a Pontifice Maximo, veluti ad solum natale revectus, archiepiscopus Strigoniensis electus est.

Incredibile plane est, quantam ad novum munus obeundum attulerit animi contentionem. Electus fuit a Pontifice sanctae memoriae, qui omnia in Christo instaurare sibi proposuit hominesque a Christo exulantes ad unicum Eius ovile reducere. Proposita sancta Pontificis, a quo mox ostro Romano fuit insignitus, Archiepiscopus fecit sua et pergrande opus instaurandae vitae Christianae in vastissima dioecesi volenti prorsus magnoque animo aggressus est. Iu brevi fere totam dioecesim visitavit ubique scrutans, quid mutandum