Circulares literae dioecesanae anno 1917. ad clerum archidioecesis strigoniensis a Joanne Cardinale Csernoch principe primate regni Hungariae et archiepiscopo dimissae

V.

43

Nr. 1643.

Facultas acceptandi stipendium pro secunda missa in emolumentum Operis Christianae Charitatis proles patro- cinantis.

Praesentibus cum Venerabili Clero Archidioecesis Strigoniensis communico benignum rescriptum S. Congregationis Concilii, quo facultas tribuitur sacerdotibus archidioecesis Strigoniensis, ut quo- tiescunque diebus Dominicis et festis legitima facultate binandi utuntur, stipendium pro applicatione secundae missae percipiant cum obligatione offerendi stipendium Operi Christianae Charitatis proles patrocinanti (Keresztény Szeretet Országos Gyermekvédő Műve):

789/17.

Beatissime Pater,

Ob penuriam sacerdotum et insufficientem ecclesiarum numerum permulti Archidioecesis Strigoniensis presbyteri diebus dominicis et festis, facultate apo- stolica provisi, duas missas celebrant.

Pro secunda missa stipendium acceptare lege ecclesiastica non possunt.

Fidelis autem populus, praesertim hisce bellicosis temporibus permagnam stipendiorum copiam sacerdotibus offert, qui piis fidelium votis satisfacere nequeunt.

Iniquitate temporum in dies augetur numerus prolium patribus in bello caesis orbatorum. Ut sorti orphanorum consulatur, varia opera Christianae charitatis laudabili diligentia adlaborant. Sed media e collectis publicis provenientia tantae miseriae medendae vix sufficiunt.

Clerus catholicus in exercendis charitatis operibus, quae orphanos tuentur, magno animo et fusa largitate primas partes capit. Praesertim „Opus Christianae charitatis proles patrocinans“ a Vicario meo Generali Ludovico Rajner Eppo Cidyesseno fundatum largis oblationibus et omnimoda cooperatione Cleri fulcitur. Opus laudatum pauperes matres catholicas prolium subsidio adjuvat, proles autem omnino derelictas in orphanotrophiis catholicis congregat.

Considerabile adiutorium Operi praestare possent sacerdotes, si iisdem permitteretur, ut cum facultate binandi utantur, pro secunda missa stipendium acceptare idque Operi supra dicto offerre possint.

Tali modo et piis fidelium votis obsequi et egestati orphanorum mederi magis possent, quod Cleri auctoritatem coram publica opinione notabiliter augeret.

Ad genua igitur provolutus enixis precibus Sanctitatem Vestram exoro, ut benignissime considerata orphanorum multitudine, quos sub tutela Sanctae Matris Ecclesiae suscipere intendimus, facultatem clementissime elargiri dignetur, vigore cuius presbyteri Archidioecesis Strigonien7