Circulares literae dioecesanae anno 1915. ad clerum archidioecesis strigoniensis a Joanne Cardinale Csernoch principe primate regni Hungariae et archiepiscopo dimissae

XVIII.

Nr. 4597.

Cardinalis Aeppus significat decessorem suum, Enii- nentissimum Patrem Purpuratum Claudium Cardinalem Yaszary O. S. B., ad beatiores coelitum sedes translatum.

Triste quidem ac omnino acerbum scribendi praebet argumentum obitus Eminentissimi Principis Claudii Francisci Cardinalis Vaszary, decessoris mei, venerandae canitiei viri, et meritorum et dierum pleni: qui ingruente vitae crepusculo sede archiepiscopali sponte dimissa, rusticani recessus et sacrae solitudinis amoenitate fruens, post diuturnas ingravescentis aetatis molestias, mira animi magnitudine perpessas, die 3. labentis mensis in villa sua acidularum Balatontured, purissimam animam coelo reddidit, nobisque omnibus merita eius et virtutes, non otio ac desidia, sed magnis et immortalibus pro Deo et Putria exantlatis laboribus comparatas, ac praeprimis innatam humilitatem effusamque in pauperes liberalitatem demirantibus, tantum moestissimam quidem suam, sed et animo nostro num- quam delendam imaginem reliquit.

Mihi quidem ex tam sensibili vulnere conceptus dolor, nullo verborum apparatu satis explicandus, tanto acerbior accidit, lacrimarumque undas extorsit uberiores, quia pie denatum Patrem Purpuratum, per viginti et unum annos sollertem huius, nunc meae, Sanctae Ecclesiae pastorem, numquam non impensius amavi: et praesertim, quia rarum plane est, ut successor Sacrorum Antistes funeri decessoris sui iusta peragat.

Verum enim vero, cum visum fuerit vitae mortisque Domino, post tot, quae certe nemo in hac mortalitate evadit incommoda, in ea illum loca transferre, ubi vita sine mortis metu, gaudium sine moeroris commixtione est; non possumus sane