Circulares literae dioecesanae anno 1914. ad clerum archidioecesis strigoniensis a Joanne Cardinale Csernoch principe primate regni Hungariae et archiepiscopo dimissae
XXII.
216 spectant. Haud absimiliter fideles nostros maiorem in modum hortamur ut, facta sacramentali confessione, ad purgantium animarum suffragium angelico pane se reficiant, et quod superest (si tamen placet), abstinentiae eiusdem feriae ieiunium addant ex privata devotione servandum. Haec omnia fieri atque Dominica solemnes exe- quias praecedente publicari ex ambone volumus, non tantum in subsidium animarum gloriose in acie campi defunctorum, verum in solatium vivorum propinquorum moerore afflictorum, qui ex his officiosae pietatis et condolentis animi documentis, haud parum recreabuntur. Quod superest, mandamus ut ad haec lugubria devotionis officia, aeque civiles atque militares magistratus humanissime invitentur et insuper omnis generis scholares iisdem interessé admittantur. Denique inculcare iuvat vetitum ecclesiae, ex quo in quibuscunque ecclesiis panegyricos sermones aut funebres actiones fieri omnino prohibitum est. Nr. 6327. Devotiones vespertinae. Eosarii ritu solemnes. etiam extra octobrem mensem belli tempore porro continuandae. Tremulis etiamnum ardet ubique flammis fax belli, ab iniquitate, quae sibi num- quam dissimilis per iustitiae simulationem putide mentita est, malitiose accensa; bellumque ipsum omnium longe cruentissimum, quod multiplici ac ingenioso hodiernae artis technicae apparatu non iam terra marique, verum pennigeris aéronau- ticisque instrumentis, machinis aérobaticis in siderum quoque regionibus geritur, spectaculum praebet hominibus formidolosum. Sed quia Deo benigne permittente, maledicta tellus et spinas germinat et tribulos: omnia q\iae sive domi, sive militiae nunc nobis superveniunt mala, aequo plane feramus animo, iisque ad remedia correctionis utamur eo vel magis, quia ex hac immani gentium dimicatione, novus procul dubio nascetur saeculorum ordo et prosperitas rei publicae futura, toto pectore anhelanda, nec minori conatu provehenda. Pro Deo et patria, pro iustitia et veritate manus nunc conseruntur in castris; pro his sine intermissione nobis coniunctis precibus exorandum in templis, ut magnarum rerum effectrix usquequaque renovetur caritas, firmetur amor patriae et solidetur concordia, omnis autem animorum dissensio aut partium studium procul fugiat a nobis ; ut omnes idem simus sapientes in magno certamine, quod pro aris et focis, de summa rerum dimicatur. Quae omnia ut a Patre luminum facilius impetrasse laetemur, a plurimis eatenus etiam rogati, qui devotiones has gravissimis hisce temporibus libenti animo frequentant: praesentibus mandamus, ut vespertinae devotiones, praecipue vero Rosarii recitatione solemnes, tempore hiemali horis diei inclinantis a labore vacuis, porro quoque serventur praesertim in civitatibus, eaque pietate, quam immortalis memoriae Leo Papa XIII. inauguravit et identidem commendavit. Devotionibus his inserendae erunt orationes tempore belli recitari solitae, quarum plurimae eccle- siastia auctoritate munitae et typis vulgatae fidelium manibus teruntur. Qui interim nulli dubitamus almam Deigeni- tricem, Magnam nostram Dominam, Rosarii precibus exoratam, benignam omnino nobis fore sequestram apud filium Caduceatorem Christum, qui unus scit et valet imperare ventis et bello, illamque ex huius acerbitatibus elicere et consolidare, quam mundus dare non potest, pacem.
