Circulares literae dioecesanae anno 1914. ad clerum archidioecesis strigoniensis a Joanne Cardinale Csernoch principe primate regni Hungariae et archiepiscopo dimissae
IX.
103 Nr. 2961. Sacra exercitia pro clero arclii- dioecesano. IX. Admiranda dignitas sacerdotalis tunc unice sacerdoti prodesse poterit, si ea potitus vices Dei zelo infatigabili implere satagit. Fragilitas tamen humana mundusque externus huic exequendo quam plurimum obsunt et ad sortem Domini vocatum a divinis recte adimplendis paulatim abstrahunt et culpis erroribusque facile implicant. Ne igitur ad animas salvandas vocati seipsos perdant, necesse est resuscitare gratiam, quae data est nobis. Ad hanc gratiam resuscitandam aptissimum constituunt medium sacra exercitia, quapropter eadem etiam hoc anno in aedibus Seminarii Strigoniensis, et quidem a vespere diei 24. Aug. usque ad mane diei 28 eiusdem mensis. Qui iisdem sacris exercitiis me praesente agendis partem capturi sunt, intentionem suam usque ad diem 22 Augusti Cancellariae meae Strigoniensi notam reddant. Praeter Breviarium et Psalterium afferant secum superpelliceum, stolam albi coloris et librum de imitatione Christi. Utinam sacer iste recessus nos et omnes, quorum curam spiritualem gerimus, ad aeterna in omnibus quaerenda quo magis inducat! Ethnografica studia, quae postremis hisce annis in plurimis Americae civitatibus confecta sunt, evidentissime comprobarunt, migrationem in eas regiones sacerdotum, qui pietate, doctrina vitaeque disciplina plene instructi non sint, non modo catholicae fidei detrimento esse solere, sed etiam in gravem ipsorum perniciem cadere: apparuit quoque, quanta sapientia eiusmodi demigrationem sacrae Congregationes Concilii et de Propaganda Fide, latis ea de re legibus, moderatae sint et circumscripserint. Tam late enim eae patent dioeceses ferme omnes ; ea inde consequitur remissio Pastoralis vigilantiae, praesertim in sacerdotes advenas ; tanta incidunt pericula et impedimenta e sectarum frequentia, ex perpetuo cum acatholicis commercio, ex ea quae ibi in plurimis obtinet libertate et ex aliis rerum locorumque condicionibus, ut ipsi boni, cum maxima non sustinentur virtute, paullatim tepescant, qui vero et doctrinae subsidio carent et vix ulla nituntur disciplina vitae, a recta via saepe deflectant, et non raro cum maxima fidelium offensione et religionis detrimento ad extrema deveniant, adeo ut, qui magistri esse debebant veritatis, ii ministri efficiantur erroris et impietatis. Nr. 3001. Decretum de sacerdotibus in certas quasdam regiones demigrantibus. 16
