Circulares literae dioecesanae anno 1913. ad clerum archidioecesis strigoniensis a Joanne Csernoch principe primate regni Hungariae et archiepiscopo dimissae
VI.
64 ad B. M. Y. in coelos assumptam, ad ripam vero sinistram Ecclesiam urbis interioris (cire. IV.) pariter honoribus B. M. V. in coelos assumptae dicatam; Posonii ecclesiam collég, ad S. Martinmu ; Tyrnaviae ecclesiam collég, ad S. Nicolaum E. C. Caeteris curionibus et aliis sacerdotibus, quibus cura animarum concredita est, praesentibus potestatem facimus et committimus, ut quoad fideles suae curae commissos, spectatis locorum adjunctis expresse et nominatim designent in territorio jurisdictionis suae templum, vel templa, quae a fidelibus sibi commissis visitari debebunt ad Indulgentiam Jubilaei lucrandam. Declaramus autem omnes utriusque sexus Christifideles, nullis exceptis, civitatum illarum, in quibus superius ecclesias visitandas designavimus ad quamcunque parochiam secus pertineant, quamcunque ex ecclesiis a nobis designatis visitare posse ad Indulgentiam Jubilaei lucrandam, ita tamen, ut unam solummodo ex illis, quae a nobis designata sunt, visitandam eligere queant, ast praeter illam etiam propriam ecclesiam parochialem visitare teneantur ad senam visitationem complendam. 4. Indulgentia haec Plenaria etiam animabus, quae Deo in caritate conjunctae ex hac vita migrarunt, per modum suffragii applicari potest. 5. Ut autem quo plures fideles Indulgentiae participes evadere queant, Sanctissimus Dominus varias relaxationes concessit quoad conditiones assequendae Indulgentiae. a) Navigantes et iter facientes, impediti, quominus conditionibus ad lucrandam Indulgentiam praescriptis durante itinere satisfacere valeant, Indulgentiam consequi possunt, ubi ad sua domicilia, vel ad certam stationem se receperint, operibus sub 2. b. «—y enumeratis peractis et visitata sexies ecclesia cathedrali, vel maiori, aut parochiali loci domicilii seu stationis. b) Confessariis speciales facultates tribuuntur et quidem a) quoad regulares personas utriusque sexus, necnon alios quoscunque in carcere vel captivitate existentes, vel aliqua corporis infirmitate, seu alio quovis impedimento detentos, qui conditionibus supradictis vel omnino, vel ex parte satisfacere nequeunt, praescripta opera commutandi, vel in aliud proximum tempus prorogandi, imo dispensandi etiam super communione cum pueris, qui ad eam nondum admissi fuerint; ß) absolvendi in foro conscientiae dumtaxat ab excommunicatione, suspensione et aliis ecclesiasticis sententiis et censuris cuicunque etiam speciali modo reservatis, igitur e. g. etiam ab excommunicatione specialissime Papae reservata, quae ob absolutionem complicis incurritur, item a quibusvis peccatis quantumcunque gravibus et enormibus et cuicunque reservatis, injuncta tamen poenitentia salutari, aliisque de jure injungendis. Absolutio autem complicis juxta constitutionem Benedicti XIV., quae incipit „Sacramentum Poenitentiae“ et cui literae apostolicae superius allatae derogare non intendunt, illicita et invalida manet, excepto utique casu extremae necessitatis a Constitutione citata admisso. Si autem de haeresi agatur, abjuratis prius et retractatis erroribus; y) commutandi vota cum restrictionibus in literis apostolicis expressis; (5) dispensandi cum poenitentibus in sacris Ordinibus consti
