Circulares literae dioecesanae anno 1913. ad clerum archidioecesis strigoniensis a Joanne Csernoch principe primate regni Hungariae et archiepiscopo dimissae
III.
30 Congressus Enc harist. Melitensis. 20. sz. Nr. 195. Fundatio Joannis Graeffel pro augendo Instituto S. Adalberti. Christus vincit, Christus regnat, Christus imperat. Hanc vocem emiserunt, qui in ultimo Congressu eucharistico Vindobonae celebrato testes fuerunt illius triumphi incomparabilis, qui Christo Jesu in SS. Sacramento delatus fuit, cum non solum singuli fideles, sed ipsae nationes cum piissimo Rege nostro honores Christo Regi dominanti gentibus obtulerunt. Cui triumpho non alter similis videtur parari posse; et tamen Melitenses alacriter se accingunt ad Congressum eucha- risticum celebrandum, nec dubitant quin pro sua fide et pietate condignam gloriam SS. Eucharistiae paraturi sint. Vivaces enim in iis vigent fides et pietas quam patres eorum a S. Paulo tamquam pretiosissimam haereditatem sortiti sunt, et quam Equites Hierosolymitani strenue in ipsorum insula propugnarunt. Cum Congressum, qui a die 23. Aprilis ad diem 27. celebrabitur, sacerdotibus fidelibusque meis in Deo commendem, insuper sperare audeo contra omnes adversariorum aggressus ut cummunionem die 27. Aprilis in unione cum Congressu quo plures fidelium suscepturi sint, eo vel magis quod Summus Pontifex communioni huic indulgentiam plenariam ani- mabus purgatorii applicabilem concesserit. Quae communio si ubique terrarum suscipietur, hanc diem vere eucharisti- cam sacrabit. Illmus ac Rmus D. Joannes Graeffel, canonicus E. M. S., iterum splendidissimam fundationem obtulit pro augendo instituto Archidioecesano Sti Adalberti. Vim pecuniae nempe mihi exhibuit 120 millium coronarum eo fine, ut pensio uniuscuiusque sacerdotis Instituti S. Adalberti ad 2400 coronarum exintegretur. Simul etiam 2400 cor. consignavit ad tegendam taxam curatelae huius fundationis. Quod ad notitiam Venerabilis Cleri perferens insimul attentos reddo omnes A. R. D. praebendatos dicti Instituti S. Adalberti praeter missam singulo mense iuxta punctum 9. Statutorum eiusdem Instituti pro benefactoribus celebrandam, ad mentem magnanimi fundatoris 111. ac Rmi D. Joannis Gfraeffel abhinc duo missae sacrifica quolibet mense offerenda esse pro ipso laudato fundatore quoad vixerit, post mortem vero eius generatim pro benefactoribus Instituti. Omnium bonorum largitor Deus retribuat Ulmo ac Rmo D. Graeffel, inveteratae amicitiae vinculo mihi juncto, pro effusissima hac munificentia, splendidissimo charitatis fraternae in sacerdotes documento, abundantissima gratiarum munera. S. Congregatio Consistorialis, cui e speciali Beatissimi Patris mandato, cura spiritualis emigrantium commissa est, ad apta in gravissima ista causa remedia procuranda imprimis generalem de emigratione conspectum sibi comparare cupit. Quam ob rem quaestiones misit ad locorum Ordinarios, congrua responsa petendo. Quo itaque mandato isti satisfaciam, sed ut et ipse extensionem emigrationis causasque illius ex competentibus sciam, DD. Curatos ad sequentes quaestiones accurate respondendum provoco et quidem: 1. Quot circiter numerentur emigrati, qui adhuc civitatem in loco originis retiNr. 593. Quaestiones de emigrantibus.
