Circulares literae dioecesanae anno 1912. ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

V.

51

Nr. 1204.

Litterae gratulatoriae Pii PP. X.

Dilecto Filio Nostro Claudio lit. SS. Silvestri ac Martini ad Montes S. R. E. Presb. Card.

VASZ ARY

Strigoniensium Archiepiscopo

Strigonium.

PIUS PP. X Dilecto Filio Noster

Salutem et Apostolicam Benedictionem.

Paterna qua te complectimur benevolentia haud patitur peculiare aliquod officii studiique munus te a Nobis desiderare in hoc tam vario tamque grato animorum concentu tibi gratulantium octogesimum aetatis annum. Sint igitur hae tibi litterae, votorum Nostrorum nuntiae: sint vota amaniissimae declaratio voluntatis aetatem tibi gratulantis haud exiguis ornatam meritis, no- vasque a Deo comprecantis cum annorum, tum meritorum accessiones. Confirmet vero haec vota Nostra Apostolica Benedictio, quam, caritatis Nostrae testem ac coelestium auspicem bonorum, tibi, Dilecte Fili

Noster, Clero populoque tuae tradito pastorali vigilantiae ex animo impertimus.

Datum Romae apud S. Petrum II Februarii MCMXII, Pontificatus Nostri anno nono.

Pius PP. X.

Favente divina providentia concessum Nobis est nuper celebrare diem ne- talem octogesimum, qua occassione usi haud pauci e Clero pietate et filiali, quam erga nos fovent, reverentia ducti litteris gratulatoriis significarunt se supplices ad Deum tetendisse manus, ut Nobis omnes ad salutem assequendam et populum feliciter ad salutem regendum tribueret gratias necessarias.

Persuasum habemus multum apud Deum valere assiduam iusti deprecationem, ideo pergrato animo excepimus fusarum pro Nobis precum testificationem. Nos vicissim humilibus precibus Deum Omnipotentem sine intermissione exoramus, ut omnibus — tum gregi, tum pastoribus — curae Nostrae commissis omnia bona, simulque efficacissima media assequendae salutis benignissime praestare dignetur.

Nr. 745.

Card. Archi- eppus gratias agit pro votis.

10