Circulares literae dioecesanae anno 1912. ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

XIV.

134

Item in Commemoratione omnium Fidelium defunctorum, post IX responsorium, sequens addatur rubrica:

Si Matutinum in privata recitatione a Laudibus separetur, subjungitur: ý. Dominus vobiscum, ii. Et cum spiritu tuo.

Oratio.

Fidelium Deus, etc. ý. Requiem aeternam dona eis, Domine.

R. Et lux perpetua luceat eis. f. Requiescant in pace.

R. Arnen.

Tandem in Officio defunctorum, tam in Breviario quam in Rituali Romano, ante Laudes sequens rubrica inseratur;

Si Matutinum, cum unico vel cum tribus Nocturnis, in privata recitatione a Laudibus separetur, post ultimum responsorium subjungitur: f. Dominus vobiscum.

R. Et cum spiritu tuo.

Deinde dicitur oratio (seu orationes) ut ad Laudes, additis sequentibus:

ý. Requiem aeternam dona eis, Domine.

R. Et lux perpetua luceat eis. f. Requiescant in pace.

R. Amen.

Laudes vero, dictis secreto Pater noster et Ave Maria, absolute inchoantur ab antiphona Exsultabunt Domino.

Atque ita rescripsit et servari mandavit, die 24. Iulii 1912.

Fr. S. Card. Martinelli, Praefectus. L. f S.

t Petrus La Fontaine, Ep. Chaiystien, Secretarius.

Ad Sacram Rituum Congregationem pro opportuna solutione insequentia dubia delata sunt; nimirum:

I. Utrum Festa Deiparae et Sanctorum quae sub ritu duplici majori vel minori in Dominicis agebantur, possint in alia die fixe reponi si eadem Festa mobilia particularia jure vel privilegio translationis et repositionis ornabantur; an potius debeant, sicuti alia Festa mobilia, ad instar Simplicis commemorari, nisi potius velint omitti.

II. Num Festa mobilia quae sub ritu duplici I. vel II. classis alicubi celebrantur jus translationis et repositionis habeant, quamvis nulla de hoc jure mentio in decreto concessionis aliquibus locis facta habeatur ?

III. Utrum Festa quae in universa Dioecesi vel in toto Instituto die fixa mensis celebrantur, si in aliqua Dioecesis vel Instituti ecclesia sub ritu duplici minori vel majori Dominicis diebus fuerint hucusque celebrata, debeant commemorari vel omitti juxta praescriptiones temporarias ; an potius celebrari debeant in die fixa juxta Kalendarium Dioecesis vel Ordinis, servato ritu forsan altiori Officii ejusdem pro Dominicis diebus in particulari Ecclesia concessi?

IV. Num festa mobilia quae in alia per hebdomadam Feria sub ritu duplici majori vel minori recoluntur, ut Festa Mysteriorum et Instrumentorum Dominicae Passionis, commemorari generatim debeant iis annis quibus impediuntur,etsi jus translationis et repositionis non habeant?

V. Utrum facultas quae data est per novas rubricas, tit. X. num. 3, Festis a Dominica inpeditis ut recoli valeant celebratione omnium Missarum, una excepta, ob votum vel concursum populi, extendi possit ad Festa in perpetuum ad instar

Nr. 3560.

Decretum circa novas rubricas.