Circulares literae dioecesanae anno 1912. ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XIV.
132 ctissimae Eucharistiae cultam intendant frugifera pietatis opera peculiaribus gratiis ac spiritualibus privilegiis ditare satagimus. Hac mente cum Ven. Frater Thomas Ludovicus Episcopus Namurcensis et Praeses Concilii permanentis Congressuum Eucharisticorum, Nos enixis precibus flagitaverit, ut congressibus sive universalibus sive particularibus, qui sub auspiciis concilii permanentis ubique terrarum celebrabuntur, nonnullas indulgentias largiri de Apostolica benignitate dignaremur; Nos ut idem opus poti ora in dies favente Deo capiat incrementa, votis hisce annuendum libenti quidem animo existimavimus. Quae cum ita sint, de Omnipotentis Dei misericordia ac BB. Petri et Pauli App. ejus auctoritate confisi, omnibus et singulis fidelibus ex utroque sexu, qui in locis ubi dicti Eucharistici Congressus sive universales sive particulares habebuntur, respecti vi congressus tempore vere poenitentes et confessi ac sacra Communione refecti, quodvis publicum templum visitent ibique pro Christianorum Principum concordia, haeresum extirpati- one, peccatorum conversione, ac S. Matris Ecclesiae exaltatione pias ad Deum preces effundant, Plenariam, semel tantum uniuscujusque congressus intra spácium lucrandam, omnium peccatorum suorum Indulgentiam et remissionem misericorditer in Domino concedimus. Iis vero qui respectivi congressus tempore, in quavis Ecclesia sive publico sacello ante Sanctissimam Eucharistiam per aliquod temporis spatium pie orent ut superius est dictum, quo respectivi congressus die id agant, de numero poenalium in forma Ecclesiae solita septem annos totidemque quadragenas expungimus. Largimur denique fidelibus iisdem, si malint, liceat plenaria ac partialibus hisce indulgentiis functorum vita labes poenasque expiare. Praeterea concedimus ut uniuscujusque Eucharistici congressus tempore, de legitima auctoritate designando, servatis rubricis et sacrorum Canonum praescriptis, solemnis cum cantu Missa votiva de Sanctissima Eucharistia peragi possit; tandem ut sacrorum Antistes, qui solemni liuic Missae operatus sit, Nostro et Romani Pontificis pro tempore existensis nomine et auctoritate, post eadem solemnia Missarum, servatis servandis ac juxta ritum formulamque praescriptam, Apostolicam Christiano populo cum plenaria addita indulgentia impertire benedictionem licite possit ac valeat. Decernentes praesentes Litteras firmas validas et efficaces semper existere et fore, suosque plenarios et integros effectus sortiri et obtinere, ac illis ad quos spectat et pro tempore quomodolibet spectabit, in omnibus et per omnia plenissime suffragari, sicque in praemissis per quoscumque judices ordinarios et delegatos judicari et definiri debere, atque irritum esse et inane si secus super his a quoquam quavis auctoritate scienter vel ignoranter contigerit attentari. Non obstantibus contrariis quibuscumque. Volumus autem ut praesentium Litterarum transumptis seu exemplis etiam impressis, manu alicujus notarii publici subscriptis, et sigillo personae in ecclesiastica dignitate constitutae munitis, eadem prorsus fides adhibeatur quae adhiberetur ipsis praesentibus si forent exhibitae vel ostensae. Datum Romae apud S. Petrum sub Annulo Piscatoris die XXVIII. Februarii MDCCCCV, Pontificatus Nostri Anno Secundo. Alois. Card. Macchi.
