Circulares literae dioecesanae anno 1910 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
VIII.
81 Nr. 3075. Sacra exercitia pro clero arehidioece- sano. VIII. Non est, cur Vos, Venerabiles Fratres, de sacrorum exercitiorum spiritualium utilitate, imo necessitate, uberiori sermone edoceam, aut ad ea frequentius et rite subeunda efficacioribus verbis commoneam. Ipsi certe ex propria experientia compertum habetis, quam vehementer ad ecclesiasticum spiritum tuendum et fovendum atque ad sacerdotalis animi fortitudinem ac constantiam acquirendam conferant exercitia spiritualia. Peramanter igitur Vos in istam sanctam eremum invito, ut remotis curis ac negotiis aliis, Deo nobisque unice vacantes recogitemus suscepti per sacrum Ordinem muneris sublimis officia atque detersis animae sordibus alacritatem redintegremus pristinam. Sacra exercitia pro sacerdotibus archi- dioecesanis hoc anno asservabuntur in aedibus Seminarii Strigoniensis a vespere diei 22 Augusti usque ad mane diei 26 ejusdem mensis. Qui in hisce sacris exercitiis partem capere desiderant, nomina dent usque ad diem 18 Augusti Cancellariae meae Stri- goniensi, ut de necessariis sufficienter provideri possit. Praeter Breviarium afferant secum superpelliceum, stolam albi coloris et librum de Imitatione Christi. In memoriam simul revoco ordines circulares ddto 14 Junii anni 1906, quibus omnibus et singulis sacerdotibus archi- dioecesis meae injunxi, ut saltem tertio quovis anno sacris exercitiis vacare teneantur. Quapropter omnes sacerdotes archi- dioecesanos, qui elapso iam triennio sacra exercitia peragere omiserunt, graviter admonitos esse volo, ut saltem hoc anno obligationi satisfaciant propriaeque salutis curam habeant, ne contra eos debita animadversione procedere debeam. Simul publico ordinem sacrorum exercitiorum in domibus Societatis Jesu pro tempore aestivo statutum: I. Budapestini. Sacra exercitia inchoantur qualibet feria II. vespere et peractis tribus integris diebus finiuntur feria VI. mane. Accipit quisque cubiculum et sustentationem. Praeter Breviarium nullus apportari debet liber. Sufficit adventum in charta correspondentiali significare A. R. P. Ludovico Tomcsányi, Superiori domus (Budapest, VIII., Mária-u. 25.). II. In domo Societatis Jesu in Lainz 13
