Circulares literae dioecesanae anno 1908 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
II.
10 § 2.° Vigent quoque pro iisdem de quibus supra catholicis, si cum acatholicis sive baptizatis, sive non baptizatis, etiam post obtentam dispensationem ab impedimento mixtae religionis vel disparitatis cultus, sponsalia vel matrimonium contrahunt; nisi pro aliquo particulari loco aut regione aliter a S. Sede sit statutum. § 3.° Acatholici sive baptizati sive non baptizati, si inter se contrahunt, nullibi ligantur ad catholicam sponsalium vel matrimonii formam servandam. Praesens decretum legitime publicatum et promulgatum habeatur per eius transmissionem ad locorum Ordinarios: et quae in eo disposita sunt ubique vim legis habere incipiant a die solemni Paschae Resurrectionis D. N. I. C. proximi anni 1908. Interim vero omnes locorum Ordinarii curent hoc decretum quamprimum in vulgus edi, et in singulis suarum dioecesum parochialibus ecclesiis explicari, ut ab omnibus rite cognoscatur. Praesentibus valituris de mandato speciali SSmi D. N. PP. Pii X., contrariis quibuslibet etiam peculiari mentione dignis minime obstantibus. Datum Romae die 2a mensis Augusti anni 1907. f Vincentius Card. Ep. Praenest., Praefectus. C. De Lai, Secretarius. Cum novam hanc de sponsalibus et matrimonio legem ad publicam perferimus notitiam, enixe hortamur et monemus DD. animarum Curatores, ut illam attentissime perlegant, conscientiose observent ac novam disciplinam prima Dominica Quadragesimae et in quantum opus esset etiam subsequentibus Dominicis, sermonem sacrum de gravitate sponsalium et de sanctitate matrimonii habendo fidelibus diligenter explicent eosque hac de re prudenter et apprime edoceant. Ad clariorem novae legis intelligen- tiam et ad praecavenda dubia nefors emergentia opportunum Nobis visum fuit uberiori instructione Decretum S. Congr. Concilii illustrare. 1. Cum juxta caput II. Decreti nomine parochi intelligendus sit ille, qui legitime praeest parochiae canonice erectae : ea, quae in Decreto de parocho dicuntur, valent in archidioecesi Nostra non tantum de parochis, sed etiam de administratoribus parochiarum a die initi officii, dummodo non fuerint publico decreto nominatim excommunicati vel ab officio suspensi. 2. Hucadusque delegatio ad assistendum matrimonio concessa a parocho sacerdoti indeterminato (facta e. gr. hoc modo: delego sacerdotem, quem ipsi contrahentes elegerint), valida licet illicita censebatur. Insuper parochus vel Ordinarius delegare poterat quemlibet sacerdotem etiam ad assistendum matrimonio extra territorium propriae parochiae vel dioecesis. Juxta caput VI. Decreti delegatio indeterminate data valida amplius haberi non potest, fieri enim debet sacerdoti determinato ac certo. Ex eodem capite etiam patet parochum vel Ordinarium tantum intra limites propriae parochiae vel dioecesis posse I delegare sacerdotem ad assistendum matrimonio. Parocho vel alio cuilibet sacerdoti extra territorium propriae parochiae vel dioecesis existenti parochus delegationem dare non valet, cum juxta Decretum unusquisque parochus in sua parochia valide assistat matrimoniis etiam non
