Circulares literae dioecesanae anno 1908 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XI.
100 quidem habent in parte superiori effossum, sed clausum massa quadam lapidea ex coemento confecta. Cum autem hujusmodi altaria por- tatilia deprehensa fuerint non respondere praescriptionibus liturgicis, iis humillimis precibus adivi Suam Sanctitatem, ut ob gravem difficultatem illico removendi haec altaria portatiha cum defectibus consecrata benigne facultatem concedere dignaretur ea tolerandi, donec sensim sine sensu immutari possent cum novis lapidibus ad normam legum liturgicarum efficiendarum et consecrandarum. Ad has preces a Sacra Rituum Congregatione die 29. Maii anni currentis hocce responsum obtinui. Sacra Rituum Congregatio utendo facultatibus sibi specialiter a Sanctissimo D. N. Pio Papa X. tributis, attentis expositis, benigne annuit pro gratia juxta preces: facta tamen obligatione, ut intra quinquennium altaria protatilia ad normas legum liturgicarum reducantur. Contrariis non obstantibus quibuscumque. Die 29. Maii 1908. S. Card. Cretoni, Praef. Haec ad notitiam Ven. Cleri tam regularis quam saecularis ea cum provocatione perfero, ut omnes parochi, administratores ac rectores ecclesiarum necnon oratoriorum strictissimi officii sui esse ducant altaria portatilia in suis ecclesiis adhibita examini subjicere, et si ea cum defectibus supra descriptis consecrata fuisse cognoverint, intra quinquennium usque ad 1. Junii anni 1913. cum novis lapidibus rubricis ad amussim conformiter efficiendis ac consecrandis sumptibus cassae ecclesiae immutare. Nova altaria portatiha comparari possunt penes cancellarium archiepisco- palem pro pretio 16 coronarum. Vetera autem altaria portatilia extra usum ponenda remitti debent ad eandem cancellariam archiepiscopalem, ut sacrae reliquiae extrahi et thesauro Ecclesiae Metropolitanae Ecclesiae inferri possint. Dominos Vicearchidiaconos demum monemus, ut in visitationibus suis distri- ctualibus altaria portatilia in singulis ecclesiis inspiciant et ubi necesse esset, comparationem novorum lapidum adurgeant. Beatissime Pater! Paulus Bugnet, Protonotarius Aposto- licus ad instar, director generalis pii operis expiatorii D. N. de Montligeon ad pedes S. V. provolutus, humiliter petit, ut quaedam de Ecclesiae thesauro indulgentia tribuatur quibuslibet christifidelibus, quoties in defunctorum suffragium sequentes versiculos recitaverint: Ü. Requiem aeternam dona eis Domine. R. Et lux perpetua luceat eis. Ü. Requiescant in pace. R. Arnen. Et Deus etc. SSmus D. N. Pius PP. X., in audientia habita die 13. Februarii 1908 ab infrascripto Card. Praefecto S. Congregationis Indulgentiis Sacrisque Reliquiis praepositae, benigne concessit, ut christifideles, quoties corde saltem contrito ac devote praefatos versiculos recitaverint, trecentorum dierum indulgentiam, defunctis tantummodo appli- cabilem lucrari valeant. Praesenti in perpetuum valituro. Contrariis quibuscumque non obstantibus. Datum Romae e Secretaria eiusdem S. Congregationis, die 13. Februarii 1908. S. Card. Cretoni, FYaefectus. f D. Panici, Archiep. Laodicen., Secretarius. Nr. 3575. Indulgentia pro versiculis „Requiem aeternam“ etc.
