Circulares literae dioecesanae anno 1907 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
VI.
68 b) Theologia Moralis atque Pastoralis, et huius imprimis pars, quae de Sacramentorum praeferenter vero Sacramenti Poenitentiae fructuosa administratione agit: c) Jus ecclesiasticum et Decreta SS. Concilii Tridentini. Ex his orale tentamen praestabitur. Tum vero elaborata d) ho- miletica et e) catechetica ad regulas artis exacta parabuntur. Pro exercitationibus his scripto deducendis una dies concedetur, fons librorum penes eas, — S. Scriptura et Concilio Tridentino exceptis, — non permittitur. Qui in examine eminentiae vel primae classis calculum ex omnibus quinque objectis retulerint, ad obtinendam prae- sentam et investitionem canonicam (si secus nil obstiterit) idonei reputabuntur. Ex uno above studio secundam referens classem hanc in proximo examine emendare poterit, e pluribus secunda classe notatus, totum examen repetendum habebit. Constitutionem hanc omnium prope Regni Hungáriáé Episcoporum voce enun- ciatam, in numerum legalium Statutorum synodalium reverenter recipimus et referimus, Bonitatem Divinam exorantes, ut benedicat sollicitudini huic, ad augendam in ministris suis Sanctorum scientiam directae, — irradietve Sedium suarum assistrice sapientia cunctos ad artem artium regimen animarum aspirantes, ut labia eorum custodiant scientiam, idoneive sint ad docendos fideles vias Domini et annuntianda magnalia Dei! Insistendo hisce dispositionibus praesentibus declaro: 1. Me amplius recursus ad beneficia vacantia ab iis tantum sacerdotibus acceptaturum, qui in examine prosynodali approbationem obtinuerunt; 2. Examen prosynodale bono cum successu superatum in posterum, computando ab anno currenti, non valere nisi pro sexennio ita, ut hoc sexennio praeterlapso tam parochi, qui ad aliud beneficium transferri cupiunt, quam illi, qui primum applicari desiderant, examen prosynodale repetere teneantur. Tenore Decreti a S. Rit. Congregatione die 10 Martii anni 1906 editi nulla obversatur difficultas, quominus clerici in minoribus ordinibus constituti aut saltem sacra tonsura initiati, si adsit rationabilis causa, admittantur ad munus Sub- diaconi in Missa solemni obeundum, dummodo observentur ea, quae in nro 2. Decreti citati continentur (Vid. Litt. Circulares de anno 1906 pag. 111.) Cum autem juxta probatos auctores clericus tonsuratus non incurrat irregularitatem, si in Missa solemni decantet evangélium sine stola, tolerari posse censeo, ut etiam ad munus Diaconi in Missa solemni implendum clerici in minoribus ordinibus constituti aut saltem tonsurati admittantur. Ad omne tamen periculum irregularitatis evitandum praeceptum dedi omnibus Archidioecesis meae clericis, ut in Missa solemni, si rationabili causa postulante munus Diaconi obeunt, restricte observent: 1. ne stolam induant, 2. ne patenam cum hostia ad Offertorium celebranti tradant; 3. ne calicem extergant purificatorio; 4. ne ad Offertorium vinum in calicem infundant; 5. calicem ipsum j infra actionem nunquam tangant, neque pallam ab eodem removeant aut super eum imponant; 6. patenam ad „Pater noster“ ne tradant celebranti. Nr. 1868. De clericis loco Subdia- conorum vel Diaconorum in Missis ministrantibus.
