Circulares literae dioecesanae anno 1907 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XVIII.
241 Nr. 7184. Introductio novi Ritualis. iubemus, contrariis non obstantibus quibuscumque. Datum Romae apud Sanctum Petrum, die XVIII mensis Novembris a. MDCCCCVII, Pontificatus Nostri quinto. PIVS PP. X DILECTI FILII. Sollicita Nos iam ab annis tenet cura novae editionis Ritualis Strigoniensis, inter liturgica Hungáriáé monumenta sane celeberrimi. Penuria equidem librorum Ritualium de die in diem magis premens, ad denuo excudendam vehementius invitabat novissimam eiusdem editionem anno 1858 factam, ast sapientiae spiritus suadebat, ne operi tam magni momenti inconsiderate aut aequo citius manum admoveamus. Nec opus Dei negligenter facere voluimus, imo vero morandum potius et subsistendum tantisper existimavimus, quam aliquos Ritualis nostri naevos praematura actione reddere quasi perennes. Cum demum recentem hanc editionem multo studio et elaborata diligentia adornatam, omnibus mature perpensis et divina secundante clementia, iuris publici facimus, eiusque usum vobis in sanctae obedi- entiae virtute iniungimus : nihil Nobis cordi est magis, quam ut vos Dilecti Filii eam, omni qua par est reverentia, devotione ac pietatis ardore suscipiatis. Ut autem obsequium eatenus vestrum etiam rationabile sit, exponenda vobis arbitramur principia vere pia et religiosa, quae in hac rencen- tissima editione adornanda prae oculis habuimus, quorumque cognitio et aequior aestimatio sane et vos in pietate sacri huius Codicis, antiquitate venerandi firmabit et augebit. Probe siquidem nostis, omnium librorum Ritualium in Hungária inde a tribus saeculis evulgatorum, principem locum obtinere ac veluti typicam editionem considerandam esse illam, quam immortalis memoriae Praedecessor Noster Petrus Cardinalis Pázmán anno 1725 pro sua pastorali providentia evulgandam decrevit. Cum hic codex Ritualis et priscas consuetudines liturgicas gentis nostrae inviolatas, sartas tectasque servaverit, et in reliquis omnibus Rituali Romano a Paulo Papa V. anno 1614 edito semet conformaverit; certissime in omnibus iustis circa Sacramentorum et Sacramentalium ad- ministrationem votis plene satisfecit. Pietate igitur eximia huius libri, trium saeculorum usu probati et de re liturgica apud Hungaros tam egregie meriti, incensi, iure meritoque existimavimus Nobis quoque eidem in editione hac nostra paranda inhaerendum esse, nec ab eo recenden- dum, nisi ubi gravissimae rationes id efflagitarent. Hinc factum est, ut in quibusdam ab ipsa auctoritate Ritualis a p. m. Joanne Cardinale Scitovszky adornati resiliendum esse putaverimus, atque textus quosdam et rubricas ad normam editionis a Cardinale Pázmán factae restituerimus. Ab hac caeterum editione gravissimae monnissi causae nos avellebant, ubi quippe vel solutio aliquarum controversiarum in theologia dogmatica (uti circa matrimonium) vel legitimae consuetudinum abhinc exortarum praescriptiones, vel vero immutata temporum adi uncta id vehementer urgebant. His in casibus normae Nobis erat et Rituale Strigoniense et Romanum. Sic e. gr. Rituali Strigoniensi anni 1858 nos conformavimus in assumenda benedictione matrimonii iubilaei, in ordine sepeliendi
