Circulares literae dioecesanae anno 1907 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

II.

tuimus, ut in cunctis Ecclesiis Ghrysma et Eucharistia sub fideli custodia, clavibus adhibitis, conserventur ; ne possit ad illa temerarie manus extendi, ad aliqua horribilia vel nefaria exercenda. Si vero is, ad quem spectat custodia, eas incaute reliquerit, tribus mensibus ab officio suspendatur et si per eius incuriam, aliquid nefandum contigerit, gravibus subjaceat ultionibus.“

2. Rectori Ecclesiae incumbit curare, ut tabernaculum exterius decenter sit ornatum. interius vero panno serico aut tela (lamascena albi coloris eleganter vestitum atque nitido corporali instructum, super quo sola vasa benedicta non vacua, sed SS. Sacramentum actu continentia vol nondum purificata custodiantur. Caveat autem, ne s. olea, reliquias, nequidem Sanctae Crucis vel aliud quidquam (e. gr. purificatorium vel vas cum aqua ad abluendos digitos) in tabernaculo reponat. Saepe saepius tabernaculum sollicite in- spiciat, ut et munditia conservetur et omne periculum irreverentiae arceatur.

3. Munus ejusdem est particulas consecratas alternis saltem hebdomadibus renovare Consumptis particulis veteribus. Hostiae consecrandae sint recentes et nunquam plus quam viginti dies a sua confectione habeant. Nunquam tamen renovationem hanc ultra quindecim dies differat. Diem renovationis sollicite inscribat tabellae in sacristia affigendae.

4. Calices, patenas et caetera vasa sacra quolibet anno semel saltem intrinsecus et extrinsecus propriis manibus lavet. Invigilet, ut calicis et ciborii cuppa saltem, nec non ostensorii lunula sit ex argento confecta atque mtus deaurata. Curam gerat, ne adhibeatur in sacrificio Missae calix exsecratus, qui nempe ita

fractus est, ut nonnisi indecenter sacrificio inservire possit, aut cujus cuppa a pede separata est. Curabit item ut calix, si interius aurum amiserit, denuo inauretur atque ab Episcopo consecretur.

5. Sub gravi obligatione tenetur rector ecclesiae curare ac invigilare ut lampas die noctuque perpetuo ante altare, in quo SS. Sacramentum continetur, colluceat atque lumen ejus nunquam deficiat et ex oleo olivarum, saltem ex oleis vegetabilibus, minime vero ex petroleo vel aliis substantiis perpetuo nutriatur. (Vide Rit. Rom. Tit. IV. cap. 1. n. 6.)

6. Inter primas curas numeret, ut utensilia et supellex neenon vestimenta sacra praescriptionibus liturgicis respondeant, utque ea sint rite benedicta, caute custodita, nequaquam sordida, haud maculata nec lacera vel fracta. Paramenta vetustate consumpta vendi non possunt absque speciali Nostra licentia, uti in Cire. 1906. XIX. p. 185. disposuimus.

7. Nec minorem curam impendat, ne purificatoria ac corporalia aut alia ad sacrificium et altaris ornatum pertinentia sint lacera vel sordida. Primam lotionem corporalium, pallarum et purificatoriorum omnino ipse rector perficere debet in vase huic tantum usui destinato neque potest illam committere sacristanis aut mo- nialibus, qui speciali tantum licentia Apos- tolicae Sedis hanc primam lotionem peragere possent. Secunda autem et tertia lotio fieri potest etiam a sacristanis aut monialibus. Diacono autem vel subdiacono committere potest etiam primam lotionem. Aquam lotionis effundere debet in sacrarium, vel alium locum decentem ad id destinatum, quia eam foras ejicere erit operanti peccatum, ut dicitur De consecratione dist. 1, 40. cap. Nemo.