Circulares literae dioecesanae anno 1906 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
IX.
79 constituto spatio in dies singulos, veteris novique Testamenti attentam lectionem continuabunt; in quo optimum factu erit, breve aliquod adhiberi commentarium, quod opportune obscuriores locos illustret, difficiliores explicet. XV. Alumni in disciplina biblica, ut in ceteris theologiae, quantum nimirum e scholae praelectionibus profecerint, periculum subeant, antequam ex una in aliam classem promoveri et sacris ordinibus initiari possint. XVI. Omnibus in Academiis quisque, candidatus ad academicos theologiae gradus, quibusdam de Scriptura quaestionibus, ad introductionem historicam et criticam, itemque ad exegesim pertinentibus, respondebit; atque experimento probabit, satis se interpretationis gnarum ac hebraei sermonis graecique biblici scientem. XVII. Hortandi erunt divinarum Litterarum studiosi, ut, praeter interpretes, bonos lectitent auctores, qui de rebus cum hac disciplina coniunctis tractant; ut de historia utriusque Testamenti, de vita Christi Domini, de Apostolorum, de itineribus et peregrinationibus Palestinen- sibus: ex quibus facile locorum morumque biblicorum notitiam imbibent. XVIII. Huius rei gratia, dabitur pro facultatibus opera, ut modica conficiatur in quoque Seminario bibliotheca, ubi volumina id genus alumnis in promptu sint. Haec volumus et iubemus, contrariis quibusvis non obstantibus. Datum Romae apud S. Petrum sub anulo Piscatoris die XXVII Martii anno MDCCCCVI, Pontificatus Nostri tertio. A. Card. MACCHI. PIYS PP. X. AD PERPETVAM REI MEMORIAM. Expositum est Nobis piam juvenum opificum societatem in Coloniensi dioecesi primum institutam, ea incrementa Deo fautore, suscepisse, ut nunc in universae Germaniae, Austrine et Hungáriáé, atque Helvetiae dioecesibus reperiatur erecta. Societas in sectiones partitur, unaquaeque sectio sacerdote gaudet praeside. Nunc vero, cum, sicuti ad Nos admotae preces praeseferunt, tum Coloniensi Antistiti, tum sectionum praesidibus tum reliquis christi- fidelibus eandem in societatem adscitis in votis admodum sit, ut indulgentias tam frugifero instituto a Decessore Nostro Leone PP. XIII. per similes Apostolicas Literas die XIX. Decembris mensis anno MDCCCXCIV ad decennium concessas, nunc elapso huiusmodi concessionis spatio in perpetuum prorogare velimus, Nos votis ipsis annuendum libenti quidem animo existimavimus. Quare de Omnipotentis Dei misericordia, ac BB. Petri et Pauli App.: eius auctoritate confisi omnibus et singulis christifidelibus, qui dictam societatem in quacumque Germaniae, Austriae et Hungáriáé atque Helvetiae dioecesi in posterum ingredientur, die primo eorum ingressus si sumpserint, Plenariam; ac tam inscriptis quam adsribendis in posterum in dictam societatem sodalibus, saeerdotibus, praesidibus, magistris et benefactoribus pariter in Germaniae, Austriae et Hungáriáé atque Helvetiae dioecesibus existentibus, si vere poenitentes et confessi ac S. Communione refecti respectivam Parochialem Ecclesiam, vel respectivae sectionis oratorium die festo patrocinii S. Josephi et die anniversario fundationis Nr. 2022. Indulgentiae pro Kath. Legény- egylet.
