Circulares literae dioecesanae anno 1906 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
VI.
51 VI. Nr. 1310 Facultates speciales prc Vicario generali concessae. Communico praesentibus Venerabili Clero hasce meas literas ad Illmum. ac Rdssmum. Dnum. dr. Ludovicum Rajner, Vicarium Generalem, directas : Illustrissime ac Reverendissime Domine Praelate, Canonice et Vicarie Oeneralis. Diuturna aegrotatio, qua modo lecto affigebamur, sat superque Nos edocuit hocce incommodum magnum afferre impedimentum conficiendis ac expediendis causis Nobis reservatis.- Ne hujusmodi res ob similem casum nefors recurrentem moram et difficultates patiantur, de continenti ac ininterrupta earundem administratione providere cupimus. Quapropter Illustritatem Vestram, qua Vicarium Nostrum Generalem, praeter facultates die 28. Maii anni 1905. sub Nro. 2187. concessas ampliori potestate instruere ac instructam esse volumus. 1. Acceptandi benignas Regias literas, quibus stalla canonicalia aut Abbatiae ac Praepositurae titulares a Rege Apostolico conferuntur, neonon canonice instituendi benigne nominatos canonicos. 2. Acceptandi praesentationes ad beneficia ecclesiastica a Patronis factas et fundamento earundem nominandi parochos. 3. Nominandi per totam Archidioecesim vicearchidiaconos ordinarios et vice- archidiaconos surrogatos. 4. Disponendi ac transferendi cooperatores. 5. Infligendi censuras ecclesiasticas ipso facto incurrendas in delinquentes ad frangendam contumaciam. 6. Recipiendi in gremium cleri Archi- dioecesani clericos aut sacerdotes aliaram dioecesium vel Ordinum Religiosorum neonon dimittendi clericos aut sacerdotes ad alias dioeceses vel Ordines Regulares. 7. Pensione donandi sacerdotes ad archidioecesim Nostram pertinentes audita sententia commissionis tam archidiaconalis quam centralis. Pro emergente igitur necessitate dignetur hac potestate juxta sapiens, quo solet, consilium uti. Volumus autem, ut quaecunque fundamento harum facultatum ab Illustritate Vestra aguntur, disponuntur, conficiuntur, ab omnibus jurisdictioni Nostrae subjectis, firma rataque habeantur atque debita cum obedientia recipiantur. Cedant haec in majorem Dei gloriam et utilitatem salutem que Archi dioecesis Nostrae. Deus ter Optimus conservet ac confortet Illustritatem Vestram Adjutorem Nostrum fidelissimum ac optatissimum. Datum Budapestini, die 15. Marti 1906. Claudius m. p. Cardinalis, Archi-Episcopns. Ad ben. mandatum : Dr. Georgius Andor m. p. Cancellariae Director. 6
