Circulares literae dioecesanae anno 1905 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

XII.

100

Nunc vero, quum uberes fructus, quos Ursulinarum coni unctio peperit, per Nos Ipsos perspexerimus, quumque uberiores, quos in futurum est paritura, pro- spiciamus; Nos non solum unionem lianc feliciter initam, sed et Constitutiones eidem Instituto datas, auctoritate Nostra iterum plenissime adprobamus et confirmamus, iliisque perpetuae et inviolabilis Apostolicae firmitatis robur adiicimus.

Volentes insuper specialibus favoribus dictum Ursulinarum Institutum augere, omnibus et singulis eiusdem Instituti Sodalibus redeunte anniversaria die, qua Ursulinarum unio ab Apostolica Sede ad- probata fuit, videlicet die 28. Novembris, in perpetuum plenariam omnium peccatorum suorum indulgentiam et remissionem misericorditer in Domino impertimus. Quam indulgentiam etiam animabus fidelium Purgatorio detentis per modum suffragii applicari posse concedimus.

Ex his sponte elucet quantum Nos optemus, ut Institutum tam fauste incoeptum, aucto in dies adhaerentium numero, in maius provehatur, lati usque pateat. Quapropter vehementer adhortamur illas, quae adhuc extra Institutum versantur, familias, ut sese eidem adsciscere velint. Neque dubitamus, quin Venerabiles Fratres Nostri Episcopi, in quorum dioecesibus huiusmodi Ursulinarum domus existunt, non solum earundem votis obsecundent, verum etiam cunctantes, si quae fuerint, ad optatam consociationem suaviter flectant, persuasum plane habentes, quod dicti Instituti Constitutiones ita sint concinnatae, ut quarumlibet nationum consuetudinibus atque indoli aptissime congruant.

Volumus autem, ut praesentes Litterae ad singulos, de quibus supra, Episcopos mittantur, eorumque cura, in linguam

vernaculam ad verbum diligenter versae, in qualibet Ursulinarum domo, speciali ad id indicto conventu, legantur.

Haec ad maius Ursulinarum Insituti bonum atque incrementum edicimus, contrariis quibuscumque non obsantibus.

Datum Romae apud S. Petrum, die Vili Maii an MDCCCCV, Pontificatus Nostri secundo.

PIUS PP. X.

PIUS PP. X.

Quoad decretum „Ut debita sollicitudine“ a S. Congregatione Concilii die 11. Maji 1904. editum sequentia fuerunt eidem S. Congregationi proposita dubia:

I. An Missae, quae ex onere perpetuo inhaerent ecclesiae, monasterio, confratcr- nitatibus aut locis piis quibuscumque, sed in nulla ecclesia sunt constitutae, ita ut a quolibet sacerdote pro administratorum arbitrio ubivis applicari possint, accensei'i debeant inter fundatas vel potius inter manuales ad effectum decreti ?

II. An sacerdotes, quibus a rectoribus seu administratoribus ecclesiarum committitur satisfactio unius aut plurium legatorum Missarum in ecclesia fundatorum, possint pro suo arbitrio committere earum Missarum celebrationem aliis sacerdotibus cum minori eleemosyna etiam extra ecclesiam propriam?

III. An sacerdotes fruentes capellaniis fundatis sive ecclesiasticis sive laicalibus, possint aliis sacerdotibus Missas suarum capellaniarum celebrandas committere statuta eleemosyna pro suo arbitrio?

IV. An Episcopus possit sub censuris latae sententiae compellere sacerdotes, beneficiatos et administratores locorum piorum in fine cuiuslibet anni ad sibi traNr. 2422.

Interpretatio ultimi decreti circa missas manuales.