Circulares literae dioecesanae anno 1905 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
X.
simum Ordinem, quem anno MCCCXVIII. post Ordinis Templi ruinam Dionysius I. Portugáliáé et Algarbiorum Rex instituit, auctore et auspice Joanne PP. XXII. s. mem. Praedecessore Nostro, liunc equestrium Pontificiae Sedis Ordinum supremum esse auctoritate Nostra per praesentes edicimus ac mandamus, quo non alter sit dignitate potior, sed ceteris amplitudine ac splendore superemineat. Una sit Equitum classis; sed quo magis per Nos consultum sit hujus supremi Ordinis decori, volumus, ut posthac Crux Ordinis propria collo dependeat, ex aureo torque, qui constet alternis clypeolis Crucem ordinis ac Pontificium emblema referentibus, nodis aureis inter se junctis. Traditum enim memoriae est, et ipsos veteres dictae Militiae Equites simili torque jam- diu usos fuisse alternis ensibus ac tiaris caelato. Similiter volumus, ut corona querna ex auro, parva taenia, ex encausto rubro, inferius vincta Crucem concludat ; tandem ut femoralia alba e serico rasili genua non praetergrediantur; caligae sint sericae et item albae; aureae denique fibulae calceolos ornent. Quoad tunicam, ensem et alia ornamenta nihil immutetur. Verumtamen expresse mandamus, ne inter Equites ejusdem Militiae discrimen contingat, sed unusquisque Ordo stemmata, insignia, arma atque ornamenta a Sancta Sede praescripta servet integerrime, ut praefata insignia, cruces, numismata, vestes, enses, opera phrygia atque ornamenta, tum propria Ordinum supra- dictorum S. Silvestri Papae, Militiae Auratae ac Militiae Jesu Christi, cum ceterorum, quos Apostolica Sedes conferre solet, sint adamussim confecta ad normam exemplarium, quae in Cancellaria Equestrium Ordinum, penes Nostram a Brevibus Apostolicis Literis Secretariam, jussimus asservari; simulque prae oculis habeantur apposita schemata, quae singulis vicibus cuilibet equestri dignitate aucto de more traduntur. Haec statuimus, mandamus, praecipimus, decernentes praesentes Literas firmas validas atque efficaces semper fore suosque plenarios atque integros effectus sortiri, obtinere, iliisque, ad quos spectat, plenissime suffragari ; irritumque et inane, si secus quidquam super his a quocumque quavis auctoritate scienter vel ignoranter contigerit attentari. Non obstantibus Nostra et Cancellariae Apostolicae regula de jure quaesito non tollendo, aliisque Constitutionibus et Ordinationibus apostolicis, nec non supradictorum equestrium Ordinum etiam statutis, ceterisque contrariis licet speciali mentione dignis quibuscumque. Datum Romae apud Sanctum Petrum sub annulo Piscatoris die VII. Februarii anno MCMV., Pontificatus Nostri anno secundo. ALOIS. Card. MACCHI. Adalbertus Kanovics el. eppus et parochus (Cire. VIII.) ad S. Josephum Budapestini, erga proprias suas preces a munere V. A. Diaconi ord. relevatus et in locum eius Adamus Ott parochus Buda- pest-Ujlak (Cire. III.) nominatus est. Carolus FeketeJiázy parochus Egy- házkarcsaénsis et Joannes Vojtech parochus Istvánfalvaensis rude donati sunt. Parochi facti sunt: Ferdinandus Ju- riga in Pozsony-Szőllős; — Cserhdty Joannes in Óvár. Administratores nominati sunt: Antonius Deák in Egyházkaresa ; — Michael Nr. 1688. Mutationes in statu cleri personali.
