Circulares literae dioecesanae anno 1905 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

XVIII.

149

Nr. 3938.

De sacro triduo in hon. Beatorum Martyrum Cassov. celebrando.

XVIII.

Ipso die, quo Martyres Nostri Casso- vienses Beatorum numero adscripti sunt, intimas quoque egimus Omnipotenti Deo gratias pro exaltatione Servorum Suorum.

Restat, ut obtemperantes Apostolico praecepto die 1. Novembris anni 1904 per Breve Beatificationis Nobis imposito, triduum solemne in honorem Beatorum Martyrum Marci, Stephani ac Melchioris in archidioecesi nostra celebremus ad venerationem et pietatem in novensiles Beatos impensius fovendam.

Quid certe magis aequum ac justum, quam ut eos avitae fidei nostrae heroes laudibus extollamus, qui „dederunt se periculo et restiterunt adversariis gentis suae, ut starent sancta et lex, ei gloria magna glorificaverunt gentem suam ?“ (Machab. XIV, 29.)

Quid magis hoc tempore necessarium, quam ut splendidis Beatorum Martyrum exemplis incitentur fideles ad intrepidam fidei catholicae professionem ?

Cujus quidem virtutis, in plerisque debilitatae, in multis extinctae, apparet quanta sit in tanta ac tam late diffusa morum corruptela ac errorum seductione necessitas. Illa enim est maxime, unde non modo vitae privatorum petenda correctio est, sed etiam salus ac tranquillitas reipublicae expectanda.

Si erumpunt undique inimicorum religionis minaces fremitus, si inhumana rerum materialium cupiditas nunquam se satis consecutam putat, et si quae sunt alia generis ejusdem incommoda, his profecto nihil subvenire melius aut certius potest, quam fides Christiana. Haec est enim victoria, guae vincit mundum, f ides nostra. (I. Joann. 5, 4.)

Fides utique non languescens, non infirma, non pavida, sed fides viva, firma, ad sacrificia parata Beatorum Martyrum, „qui per fidem vicerunt regna, operati sunt justitiam, adepti sunt repromissiones.“ (Hebr. 11, 33.)

Quapropter praecipimus, ut triduana devotio in honorem Beatorum Martyrum: Marci, Stephani et Melchioris solemniori quo potest fieri modo peragatur diebus 27, 28, 29 Octobris, conjunctim cum devotione Sacratissimi Rosarii horis pomeri- dianis hac ratione:

1. Exposito Sanctissimo Sacramento recitetur Rosarium. Subinde asserventur Lytaniae Lauretanae atque dicantur 3 Pater et Ave cum oratione:

Könyörögjünk: Kérünk téged Úristen, hogy boldog Márk, István és Menyhért vértanúk közbenjárása segitségünkre legyen, és a kiknek dicsőséges győzelme felett örvendünk, azoknak állhatatos hitét utánozni siessünk. A mi Ui’unk Jézus Krisztus által. Amen.

26