Circulares literae dioecesanae anno 1904 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

XIX.

215

1° Quotidie Oblati, qui nec Breviarium nec Officium Parvum B. M. V. recitant, nec alicui horae canonicae intersunt, vel tertiam partem Rosarii B. M. V. vel Officium Oblatorum recitabunt. Quas preces Moderatori Oblatorum liceat rationabili de causa in alias, etiam breviores, commutare.

Mane S. Gertrude magistra, actiones suas Deo offerant ad intentionem Sacratissimi Cordis Jesu et vespere conscientiam scrutentur de agendi ratione per diem.

2° Singulis hebdomadis Feriam III. S. P. Benedicto dedicent et aliis forte impediti diebus, ea saltem Feria Missae sacrificio intersint devote, aut certe quodam opere pio Parentem Cassinensem excolant.

3° Singulis mensibus per dimidiam horam ante SSmum Altaris Sacramentum vel saltem tempore Missae obligatoriae meditationi vacent et ad sacram Communionem accedant.

Praeterea menstruos conventus et Moderatoris collationem spiritualem data opportunitate frequentent.

4° Quotannis oblationis actum renovent in Praesentatione B. Mariae Virg. (21. Nov.), qui est festus dies Oblatorum praecipuus. Celebrent insuper diem Purificationis B. M. V. (2. Febr.) oblationem Salvatoris sacram, necnon festa SSmi P. Benedicti, s. Henrici Imperatoris (15. Julii) et s. Franciscae Romanae Viduae (9. Martii), quos Oblati coelestes patronos venerentur.

Oblati saeculares habitu nigro, scapulari et cingulo induti pro sua pietate sepeliri possunt.

Sciant autem Oblati hae statuta non obligare sub peccato, ne quidem veniali.

Tesserae Oblatorum haec sint: „In omnibus glorificetur Deus“ et „Pax.“

DECRETUM.

SSmus Dominus Noster Pius Divina Providentia PP. X. in audientia habita a me infrascipto Cardinali S. Congregationis Episcoporum et Regularium Praefecto sub die 18. Julii 1904suprascripta statuta Oblatorum saecularium S. Benedicti pro Monasteriis totius Ordinis benigne approbavit atque confirmavit, prout praesentis Decreti tenore approbantur et confirmantur. Contrariis quibuscumque non obstantibus.

Datum Romae ex Secretaria memoratae Sacrae Congregationis die 23. Julii 1904. — D. Card. Ferrata, Praef., Ph. Giustini, Secret. — L. f S.

Leo Pp. XIII. f. r. per rescriptum S. Congregationis super Negotiis Ecclesiasticis Extraordinariis diei 26 februarii 1901 „Societati Germanicae de Terra Sancta“, quam vulgo ,,Deutscher Verein vom heiligen Land“ appellant, sub praesidio Archiep. Co- loniensis constitutae, quae quotannis peregrinationes Terrae Sanctae invisendae causa instituit, pro tempore peregrinationis in favorem peregrinantium haec privilegia ad alterum triennium concedere dignatus est.

1. Extra Europam missae sacrificium in altari portatili terra marique celebrandi, servatis servandis.

2. Pro sacerdotibus, dummodo a proprio Ordinario confessiones excipiendi facultatem habeant, audiendi confessiones fidelium se- cum peregrinantium.

3. Pro sacerdotibus recitandi rosarium quinque decadum loco officii divini, si illud commode recitare nequeant.

4. Pro omnibus edendi carnes diebus vetitis, si alius cibus commode haberi nequeat, remoto tamen omni scandalo.

Cuius facultatis brevi exspiraturae humilNr. 4282.

Indulta pro peregrinanti- bus in Terram Sanctam.