Circulares literae dioecesanae anno 1904 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

XVIII.

211

quo Sacerdotes in Apostolicam Unionem ad- lecti opportuno spiritualium gratiarum praesidio firmentur, atque eadem singularia Indulgentiarum munera moveant alios, ut sibi reique sacrae efficacius prospecturi, saluberrimae huic consociationi dent nomen, de omnipotentis Dei misericordia, ac BB. Petri et Pauli Apostolorum eius auctoritate confisi, Apostolica Nostra auctoritate, praesentium vi perpetuumque in modum omnibus ac singulis Sacerdotibus ubique terrarum degentibus, qui nunc et in posterum sese huic Apostolicae Unioni, emissa rite prius professionis formula, mancipaverint, donec in ea perseverent, si quotannis, Natalis, Circumcisionis, Epiphaniae, Paschatis Besurrectionis, Ascensionis et SS. Corporis Domini Nostri Jesu Christi, item Conceptionis, Nativitatis, Annunciationis, Purificationis, et Assumptionis B. Mariae Virginis Immaculatae festivitatibus, nec non quolibet festo die sanctorum duodecim Apostolorum, admissorum confessione prius expiati, vel Missam celebrent vel ad sacram Synaxim accedant, simulque quamlibet ecclesiam sive publicum sacellum visitent, et ibi pro Christianorum Principum concordia, haeresum extirpatione, peccatorum conversione ac S. Matris Ecclesiae exaltatione pias ad Deum preces effundant, quo praefatorum die id agant, plenariam omnium peccatorum suorum indulgentiam et remissionem misericorditer in Domino concedimus. Insuper dictis et in posterum eandem in Unionem adlectis Sacerdotibus, quoties menstruam vitae rationis notam ad respectivum Superiorem dioecesanum iuxta instituti tabulas mittant, et contrito saltem corde, semel ad Romani Pontificis mentem, Orationem Dominicam et Salutationem Angelicam et Trisagium recitent; vel pariter, contrito saltem corde, menstruo communi secessui intersint, in forma Ecclesiae consueta, de numero poenalium dierum centum expungimus. Item concedimus, ut partiali hac indulgentia fruantur etiam Presbyteri, qui licet Apostolicae Unioni non sint inscripti, menstruum tamen secessum una cum sociis celebrant; tandem largimur, ut si malint, singulis ac universis liceat plenariis hisce ac partialibus indulgentiis vita functorum labes poenasque expiare. Facultatem quoque praesentibus ac futuris Apostolicae Unionis sodalibus, auctoritate Nostra, facimus peragendi gravibus de causis Missae Sacrificium vel una ante auroram hora; iisdem- que Apostolicum Missarum privilegium ita tribuimus, ut quandocumque quisque e praefatis sociis Missam pro anima cuiuscumque christifidelis, quae Deo in charitate coniuncta ab hac luce migraverit, ad quodvis cuiusque ecclesiae altare rite celebraverit, idem Sacrum, ter dumtaxat qualibet hebdomada, animae pro qua celebratum fuerit perinde suffragetur ac si foret ad privilegiatum altare peractum. Tandem sodalibus ipsis Apostolicae Unionis nunc et in posterum ubique terrarum exsistentibus facultatem per praesentes largimur, ex qua, extra Urbem, de consensu Ordinarii loci in quo hanc exercuerint facultatem, cruces, crucifixos, sacra numismata, coronas precatorias et parvas Domini Nostri Jesu Christi, B. Mariae Virginis Immaculatae et omnium Sanctorum metallicas, statuas, cum applicatione omnium et singularum indulgentiarum, quas in elencho edito typis

S. Congregationis de Propaganda Fide, die XXVIII Augusti mensis, anno MCMIII, numerantur, et quoad coronas precatorias non excepta indulgentiarum applicatione s. Birgittae nuncupatarum, in forma Ecclesiae consueta, tempore Missionum et Spiritualium Exercitiorum publice, aliis vero temporibus privatim benedicere possint: itemque sodalibus dictis, servatis servandis, facultatem facimus, cuius