Circulares literae dioecesanae anno 1904 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

XIII.

136

Nr. 2426

S. Congr. Indulg. concedit.

relatas invocationes corde saltem contrito ac devote recitantibus: II. Plenariam, ab iisdem lucrandam diebus festis Immaculatae Conceptionis, Nativitatis, Purificationis, An- nunciationis et Assumptionis Beatae Mariae Virginis, si memoratis diebus easdem preces devote recitaverint, simulque sacramentali confessione rite expiati sacraque Synaxi refecti, aliquam ecclesiam vel publicum sacellum adiverint, ibique ad eiusdem Sanctitatis Suae mentem pias ad Deum preces effuderint. Quas indulgentias idem Sanctissimus defunctis quoque applicabiles declaravit. Praesenti in perpetuum valituro. Contrariis non obstantibus quibuscumque.

Datum Romae ex Secretaria eiusdem Sacrae Congregationis, die 23. Martii 1904. L. f S.

ALOIS. Card. TRIPEPI, Praefectus.

Pro Secretario, IOS. M. Can.cus COSELLI, Sub.tus.

URBIS ET ORBIS.

Indulgent. Christifidelibus conceditur intuitu Novendialium a gratia in honorem S. Francisci Xaverii.

Abhinc tribus fere saeculis Christifide- les ad S. Francisum Xaverium Indiarum Apostolum praedicatione et miraculis insignem confidenter confugere consueverunt devoto praesertim exercitio, quod propter magnam in praesentibus vitae necessitatibus compertam efficaciam „Novendiales a gratia“ appellare non dubitarunt. Ad quod pium exercitium magis fovendum Summi Pontifices Indulgentias sive partiales sive plenarias iam pridem elargiti sunt, quae tamen ad quasdam regiones et praecipue ad ecclesias Societatis Iesu coarctabantur. Nunc vero, quo uberiores ex his novendialibus precibus pietatis

fructus colligantur, SSmo Dno Nro Pio PP. X. preces sunt exhibitae, ut easdem, ubivis peractas, sacris indulgentiis ditare dignaretur. Has vero preces idem SSmus, in audentia habita die 23. Martii 1904. ab infrascripto Cardinali Praefecto Sacrae Congregationis Indulgentiis Sacrisque Reliquiis praepositae, peramanter excipiens, universis Christifidelibus memoratum exercitium quovis anni tempore sive publice sive privatim peragentibus, sequentes indulgentias, defunctis quoque applicabiles bis tantum in anno acquirendas, concedere dignatus est; nempe: l-o tercentum dierum quovis earumdem novendialium die lucrandam ab iis, qui vel subsequentem orationem vel, si illam ad manum non habeant, quinquies Pater, Ave et Gloria Patri etc., corde saltem contrito ac devote recitaverint; 2-o plenariam autem iis, qui post huiusmodi pium expletu mexerci- tium infra octo dies confessi ac s. Synaxi refecti ad mentem Sanctitatis Suae pie oraverint.

Oratio quolibet novendialium die recitanda :

„0 valde amabilis et charitate plenus, Sancte Francisce Xaveri, tecum Maiestatem divinam reverenter adoro ; et quoniam summopere gaudeo de singularibus gratiae donis, quae ipsa tibi contulit in hac vita, et gloriae post mortem, Ei maximas ago gratias teque toto cordis affectu deprecor, ut efficaci tua intercessione praecipuam mihi gratiam velis obtinere sanctam vitam agendi santeque moriendi. Insuper te rogo, ut mihi impetres... (hic exprimatur gratia sive spiritualis sive temporalis imploranda). Si vero id, quod a te suppliciter peto, ad Dei gloriam et ad maius bonum animae meae minime confert, tu quaeso, mihi impetres, quod utrique est utilius. Arnen. Pater, Ave et Gloria Patri etc.“