Circulares literae dioecesanae anno 1903 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

III.

10

functionem celebrandi, deinceps erit inducenda, pro duplici nempe professione votorum Simplicium et votorum Solemnium, spectabitne ad Episcopos (aut ad Superiores Generales quoad monasteria exempta) caeremonias servandas et formulam a profi- tentibus exprimendam determinare? Quae- tenus affirmative, quaenam in praxi erit norma generatim sequenda? quatenus negative, coeremoniale seu rituale erit impetrandum ab ista S. Congregatione Sacrorum Rituum?

II. Quaestio.

In numero VIII Decreti recognoscitur capitulum monialium pro admittendis ad professionem Solemnem illis, quae congruo tempore in professione votorum Simplicium permanserunt. Porro, buiusmodi capitulum eritne necessario faciendum illis in Communitatibus in quibus de acceptatione, de vestitione et de professione alumnarum ca- pitulariter agitur? Quod si fieri absolute debeat, sufficientne pro aliqua a professione excludenda quod moniales capitulares secreto suffragia contraria conferant, aut ne- cesse erit ut qualibet monialis suffragii contrarii rationem expresse declaret, exponendo nempe graves causas quae dimissionem suadere seu exigere videantur, S. Sedis iudicio subiiciendas ? Ratio dubitandi ex eo oritur, quod peracta professione simplici. Communitas religiosa non est amplius libera retinendi aut dimittendi alumnam, sed res, pleno iure ad supremam Ecclesiae auctoritatem spectat.

III. Quaestio.

Num. VII. Decreti, declaratur professas votorum Simplicium choro intesse debere, quatenus vero legitime impediantur, quominus choro intersint, ad privatam officii

recitationem non obligari. Quid vero si qua a Choro abstineat absque legitimo impedimento? Quae ita se gerat, negligen- tiae notam coram sororibus, et, quod magis est, culpae maculam coram Deo videtur incurrere. At obligata ne erit Divinum Officium privatim recitare?

IV. Quaestio.

Num. X. Decreti statuitur dotem esse solvendam ante professionem votorum simplicium. -— Num. VI. professis votorum simplicium omnes favores spirituales indul- gentur quae competunt professis votorum solemnium, nec non omnia suffragia si morte praeveniantur.

Num. XII. decernitur ad dimittendas a Monasterio votorum simplicium professas, recurrendum esse in singulis casibus ad S. Sedem. Quae hisce in locis sanciuntur nullam difficultatem praeseferunt pro iis Ordinibus aut Institutis, in quibus hucusque unica observata est votorum professio. Ast adsunt Religiosae Familiae quae, iuxta regulas adprobatas a S. Sede, duplici professione, simplici et solemni, utuntur. Quid sane si ad tramites constitutionum huius modi Institutorum, aut dos solvenda esset ante professionem solemnem, aut privilegia (praesertim pia post mortem suffragia) pro monialibus votorum simplicium essent minora, aut (quod potius videtur) Superiorissa Generalis haberet facultatem dimittendi professam votorum simplicium? Quae in privatis numeris enunciantur, suntne praeceptiva pro omnibus omnino Institutis votorum solemnium, aut exceptionem patiuntur relate ad Ordines seu Instituta quae speciales dispositiones quoad praedicta, habent sive in regula sive in constitutionibus.

Sacra Congregatio Emorum ac Rev-