Circulares literae dioecesanae anno 1903 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XIII.
XIIT. (Nr. 2965.) Obitus Summi Pontificis D. N. Leonis P. P. XIII. Universus attonitus profundissimeque contristatus est catholicus orbis. Moerore perculsa lugent fidelium pectora. Inconsolabilis uberrimas fundit Sancta Mater Ecclesia lacrymas. Ingenti Domina Gentium cruciatur dolore. Placuit etenim adorandae Divinae Majestati Beatissimum Christianae reipublicae Patrem, sollertissimum animarum Pastorem, meritis aetateque gravem, anno mortalis aevi 94, sacerdotii 66, muneris episcopalis 62, summi pontificatus 25, decurrentis mensis Julii die 20. post meridiem hora 4 et 4 min. ad supera evocare, ut praemia suorum in perpetuas aeternitates reciperet apostolicorum laborum! Funestissimus eventus tanto graviori animos premit dolorum pondere, quo exi- miora sunt denati Pontificis opera gloriosum ipsius collustrantia regimen. In Eminentissimorum Patrum Purpuratorum, S. R. E. Cardinalium conclavi die 20. Februarii 1878 celebrato, mira suffragatorum concordia in virum septuagenarium conspirante ac Spiritu Sancto afflante ad summi pontificatus fastigium evectus, vel ab ipso suae inaugurationis exordio inexplebili religionis tuendae ac provehendae studio incensus, nihil unquam antiquius habuit, quam ut communi bono prospiceret, laborantique reipublicae tam sacrae quam civili necessarias ferret suppetias. Totus adimplendis cunctis divinitus sibi demandati muneris deditus partibus, aere perennioribus apostolicis litteris ditissima scientia,, rarissimaque sapientia fulgentibus omnes orbis terrarum christicolas, gentes et nationes hortatione monere, consilio iuvare et assidue docere consueverat, ut ecclesiae gloriam et animarum salutem ubique gentium proveheret. Questiones vitae religiosae, politicae aeque ac socialis difficillimas et intricatissimas mira sane mentis acie et sagacitate pertractavit et face divinae veritatis ex beati Petri cathedra illustravit. Nihil non tentavit, ut ecclesiasticam disciplinam pristino restituat vigori, quatenus ministri Ecclesiae in muneribus offi-
