Circulares literae dioecesanae anno 1901 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XII.
94 mendamus ut, ad significationem honoris in proxima celebritate, colligenda ac publice exhibenda pio studio curent sacra ornamenta atque suppellectiles, quae deinceps pauperioribus propriae Dioecesis Ecclesiis distribuantur. Sicubi iam pium hoc opus ad subveniendum pauperioribus Ecclesiis viget, copiosior atque ornatior proximo anno evadat consuetae exhibitionis apparatus; quibus vero in Dioecesibus nondum pium illud opus fuerit constitutum, peropportuna adest, eaque admodum laeta, exordiendi occasio. Quae sacra ornamenta, quum ea in singulis Dioecesibus copiose collecta atque exhibita Summus Pontifex noverit, et Eius animum pietatis testimonio recreabunt et gratiora Ecclesiis, Eius nomine postea ab Episcopis distributa, advenient. 3. Ad Apostolorum Sepulchra veneranda atque ad exhibendum Summo Pontifici filialis devotionis testimonium, frequens catholicorum multitudo mense Aprili inse- quentis anni Romam peregrinabitur. Adni- tendum cuique pro viribus ut haec honoris significatio digna amplitudine Apostoli- cae Sedis et catholico nomine evadat. Ii praesertim qui vel nobili in civitate loco vel doctrina vel censu aut munere aliquo caeteris eminent, hoc christifidelhim communi Patri obsequium praebere studeant, ut, quemadmodum dignitate, sic religionis studio ipsi caeteris in exemplum praeeant. 4. Summo Ecclesiae Pastori, pro sui muneris libertate atque decore, sustentando prospicere, non merae liberalitatis sed sanctissimi officii pietatis est. Largius proinde in proximo pontificio iubilaeo celebrando, ad Beati Petri honorem conferant fideles eam stipem, unde Summo Pontifici necessariae suppetunt opes, quibus religionem tueatur, amplificet. Conlatam a christifidelibus pecuniam Episcopi ad Emum Virum Praesidem Comitatus mittent; vel ipsi, si coram advenerint, Summo Pontifici exhibeant. 5. Quemadmodum in Urbe peculiares laetitiae atque gratulationis significationes peragendas Societas princeps rei catholicae provehendae curabit, sic in reliquis per orbem Dioecesibus, pro locorum opportunitate, faustissimus mox futurus eventus iis honoris testimoniis celebretur, quibus populorum studium erga Romanum Pontificem et Catholicam Ecclesiam magis erigatur et vigeat. Eo scilicet mens nostra et susceptus labor spectant, ut dum Leoni XIII quintum supra vicesimum annum ab inito pontificatu agenti, pro meritis, gratulabimur, et Eius animo tam aspera fortiter perpesso levamen aliquod afferamus, et maiestatem Romani Pontificatus, ad catholici nominis incrementum et gloriam, debito prosequa- 5 mur honore. Romae, in festo Corporis Christi 1901. S. CONGR. INDULG. Procurator Generalis Congrnis Sacerdotum a SS. Corde Jesu huic sacrae Congni Indulgentiis Sacrisque Reliquiis exponit quod a plurimis annis in Gallia mos invaluerit erigendi stationes Viae Crucis cum Crucibus ligneis supra quas, in conjunctione brachiorum tabellae depictae mysteria consueta repraesentantes applicantur; ita ut tantummodo extremitates brachiorum appareant. Addendum est quod in ipso actu erectionis istarum stationum Viae Crucis, jam tabulae crucibus adhaerebant. Cum hisce de erectionibus sic factis controversia exorta sit, ad omne dubium tollendum humillime quaerit orator: Num Nr. 3395.
