Circulares literae dioecesanae anno 1901 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
X.
81 Nr. 3087. Sacri Officii et Inquisitionis Rescriptum de dto. 28. Augusti 1900. ad Episcopos Graecos unitos circa scholas mixtas. Illustrissime et Reverendissime Domine! In generali conventu Supremae huius Congregationis S. Officii habito fer. IV. die 20 Junii p. p. delata ad Eminentissimorum DD. Cardinalium una mecum Inquisitorum Generalium iudicium quaestione de scholis in ista regione, quam ab aliquot annis sub iudice esse Amplitudinem Tuam minime latet; laudati Eminentissimi Patres, ne iti re tanti momenti, uti est recta iuventutis institutio, dubiis aut anxietatibus ullus supersit locus, omnibus, quo decebat studio ac maturitate, discussis, has Tibi normas proponendas mandarunt. Cum scilicet ob peculiares loci circumstantias, impediri non expediat alumnorum quoque schismaticorum ad scholas catholicas concursum, id eatenus tolerari posse memineris, quatenus ex huiusmodi promiscuitate et consortio nec schola desinat esse catholica nec naturalis divinaeve legis iura pessum dari, aut catholicorum alumnorum mores ac maxime fidem periclitari ullimode contingat. Quare imprimis nullo pacto sinendum erit, ut pro religiosa alumnorum schismaticorum institutione catechista schismaticus a catholicis scholarum moderatoribus deputetur, quamvis forte id sub tacita vel etiam expressa conditione fiat, ut catechista schismaticus (quod multo minus a catechista catholico exigi posset) ea tantum tradat, quae catholicae ac schismaticae doctrinae sunt communia. Ne autem exinde schismaticorum querimoniis ansa praebeatur, poterunt catholici moderatores hac super re passive se habere, tolerare nimirum, ut alumni schismatici a catechistis schismaticis propriis eorum expensis atque in loco, quantum fieri poterit a scholis catholicis separato, instruantur, vel ut una cum catholicis doctrinam catholicam doceantur. Pariter permitti non potest propter manifestum periculum, cui catholici adolescentes exponerentur, ut inetaphysices vel ethices aliaeve his similes scientiae aut disciplinae a magistris non catholicis tradantur. Auctoritas quippe praeceptorum, quae maxime in adolescentium animis valet (ut iam alias haec eadam Suprema Congregatio adnotabat) ad ea omnia approbanda, quae in eis vident ex iisve audiunt, naturali quadam vi eos rapit, quo fit, ut illorum erga religionem indifferentia, errores ipsi haere- ticales catholicaeque religionis contemptus venenato quodam halitu tenella pectora inficiat, extinctoque calore omni pietatis, penitus corrumpat. E contra ad idiomata vel scientias naturales aut mathematicas aliasve, quae mate13
