Circulares literae dioecesanae anno 1900 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

XIX.

148

2. Expleta media nocte, in omnibus ecclesiis, oratoriis publicis et semipublicis, ubi SS. Eucharistiae Sacramentum servatur, vigore Decreti Urbis et Orbis ex S. R. C. die 13 Novembris 1899 emanati, celebrari permittitur coram exposita patenter SS. Eucharistia unica Missa sive solemnis sive lecta de festo Circumcisionis Domini, et fideles sive infra sive extra Sacrificii actionem ad S. Communionem accedere possunt, indulgentiasque plenarias lucrari, uti ex Decreto Urbis et Orbis, infra posito patet.

3. Missam, de qua agitur, hac ratione celebrari volumus :

a) exposita in throno SS. Eucharistia, solemnis fiat S. Spiritus invocatio per hymnum : Veni S. Spiritus, cum f. et Oratione conveniente, cui sub distincta conclusione addatur collecta pro Papa et pro Rege;

b) in Missa orationi festi sub unica conclusione adiiciatur collecta de SS. Corde Jesu ;

c) expleto Evangelio Missae, fiat solemnis professio fidei catholicae iuxta formam Tridentino-Vaticanam;

d) ultimo Evangelio in fine Missae recitato, omnibus ad genua provolutis recitetur formula consecrationis ad S. S. Cor Jesu, quae auctorem habet Augustissimum Pontificem Leonem P. P. XIII. et in fine Directorii a. c. impressa est;

e) in fine detur benedictio cum Sanctissimo, nisi expositum maneat porro quoque, quod prudenti parochorum aut ecclesiae rectoris arbitrio relinquimus. Si nempe in respectiva ecclesia aliqua adsit pia sodalitas et praesertim illa ab Eucharisticis fastis nuncupata, vel secus etiam, si pietas in tantum Sacramentum inter fideles vigeat, volenti plane animo permittimus, ut idem

expositum maneat usque mane aut etiam meridiem, dummodo sufficiens nunquam desit adorantium frequentia; quod diiudi- care prudentis erit pastoris aut ecclesiae rectoris.

4. In ecclesiis, ubi ob causam aliquam utique rationabilem Missa media nocte celebrari non potest, exponi tamen poterit SS. Eucharistia prudenti arbitrio sacerdotis, ut fideles Regem saeculorum adorare et si voluerint — rite secus expiati — ad s. mensam accedere valeant.

5. In iis demum ecclesiis et oratoriis publicis aut semipublicis, ubi media nocte Sacrificium Missae qualicunque ex causa litatum non fuit, invocatio S. Spiritus et professio fidei fiat in Missa de die celebranda, uti supra, puncto 2. continetur. Professio fidei caeterűm iterari ac respective hac die peragi potest infra quamcunque Missam, etiam lectam, dummodo fideles eidem maiori frequentia assistant.

Haec sunt, quae solenmi hac occasione servanda volumus, quin tamen alias prohibeamus solemnitates aut devotiones, quas pietas curionum suggeret opportune celebrandas.

6. Has S. Sedis Apostolicae singulares gratias, cum tenore Decreti inferius relati de indulgentiis plenariis, praesentemque nostram archipraesuleam dispositionem sacrorum curiones caeterique contionatores festo S. Stephani ex suggestu sacro publicabunt fidelesque gravi sermone incitabunt ut ad renascentis saeculi initium debite celebrandum, de nocte surgentes saeculi adeant Auctorem, qui omnis prosperitatis auspex est et optimorum consiliorum moderator.

Facultatem denique quod attinet sacrum iterandi, eam vigore facultatum quinquennalium die 27 Oct. 1896 pro foro