Circulares literae dioecesanae anno 1899. ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

XVIII.

132

Haec Apostolicae largitatis munera ut commissus tibi populus norit proque merito aestimet Amplitudo tua curabit. Qua occasione Beatissimus Pater sollicite te usurum confidit ad fideles ipsos efficacius incitandos, ut reflorentem Rosarii consuetudinem studiose pieque servent, tum nomen Sodalitiis dantes, tum etiam in sua quisque domo et familia pium Rosarii officium quotidie peragentes.

Assidua hac imploratione mota, miseros Hevae filios Regina caelestis gloriosissima audiet clemens et exaudiet; quamque opem afflictis Ecclesiae rebus efflagitamus uberrime sine dubio impertiet.

Amplitudini Tuae diuturnam ex animo felicitatem adprecor.

Romae, die 30 Augusti an. 1899.

Amplitudinis Tuae uti Frater addictissimus

Fr. H. Ma CARD. GOTTI

L. f S. S. C. Indulgentiis et SS. Reliquiis praepositae Pí'aefectus.

f A. SABATUCCI ARCH1EPISC0PUS ANTINOENSIS, Secretarius.

INDULGENTIAE

CONFRATERNITAT1S SANTISSIMI ROSARII.

PARS PRIMA.

Indulgentiae Confratribus propriae.

I.

PRO IIS QUI C0NFRATERNITAT1 NOMEN DANT.

1. Indulgentia Plenaria, si confessi sacraque communione refecti in confra- ternitatem recipiuntur (Gregorius XIII, Gloriosi, 15. Iui. 1579).

2. Indulgentia Plenaria, si legitime inscripti et confessi, eucharistiae sacramentum sumunt in ecclesia seu capella confraternitatis, tertiam partem Rosarii recitant et ad intentionem Summi Pontificis orant (S. Pius V, Consueverunt, 17 Sept. 1569.)

Nota. — Qui confraternitati adscribuntur, has indulgentias aut ipsa adscrip- tionis die, aut die dominica vel festiva proxime sequenti lucrari possunt (S. C. Indulg. 25 Febr. 1848).

II.

PRO IIS QUI RECITANT ROSARIUM.

A. — Quovis anni tempore.

3. Indulgentia Plenaria, semel in vita, si Rosarium ex instituto confraternitatis per hebdomadam recitant (Innocentius VIII, 15 Oct. 1484).

4. Si integrum Rosarium recitant, omnes consequuntur indulgentias quae in Hispania conceduntur coronam B. Mariae V. recitantibus (Clemens IX, Exponi nobis, 22 Februarii 1668).