Circulares literae dioecesanae anno 1899. ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XVI.
115 XVI. Strigonien. seu Casso rien. Beatificationis seu Declarationis Martyrii V. V. Servorum Dei Marci Crisin i Canonici Strigoniensis Stephani Pongrácz et Melchioris Grodeezii Sacerdotum e Societate Jesu Cassoviae in odium Fidei ab haereticis interfectorum. Eme ac Rme Domine mi Obsine. Postulator Causae Reatificationis seu Declarationis Martyrii V. V. Servorum Dei Marci Crisini Canonici Strigoniensis, Stephani Pongrácz et Melchioris Grodecz Sacerdotum e Societate Jesu obtinuit a Sanctissimo Domino Nostro Leone Papa XIII. ut in ista Archidioecesi Strigoniensi Eminentiae Tuae concredita iuridica fiat perquisitio scriptorum iisdem V. V. Servis Dei quomodolibet attributorum; verum servata Instructione a R. P. D. Joanne Raptista Lugari Sanctae Fidei Promotore apposite tradenda. Quum itaque idem Sanctae Fidei Promotor eiusmodi sibi commisso muneri satisfecerit; grave ne sit ipsi Eminentiae Tuae rem omnem iuxta Instructionem quae hisce litteris adiicitur executioni rite demandare. Interim Eminentiae Tuae manus humillime deosculor Romae die 26. Julii 1899. Eminentiae Tuae humillimus et addictissimus famulus C. Card. Mazzella m. p. Praef. D. Panici m. p. Seer. L. S. Emo ac Rmo Domino Cardinali Claudio Vaszary Archiepiscopo Strigoniensi. Nr. 4:315. Strigonien. seu Cassovien. INSTRUCTIO. Pro Emo ac Rino Dno Cardinali Primate Archiepiscopo Strigoniensi sive pro eius Vicario Generali, aut alio viro in ecclesiastica dignitate constituto, ab alterutro deputando, quo in sua civitate et Archidioecesi perquirat omnia et singula scripta, quae tribuuntur praefatis V. V. Servis Dei, sive haec ab ipsismet, sive aliena manu iis dictantibus, vel eorumdem iussu, exarata fuerint. Ex Apostolico Induito per Decretum Sacrorum Rituum Congregationis die 1. Septembris 1859. concesso Causa praedictorum Venerabilium Servorum Dei die 22 eiusdem mensis et anni introducta fuit ante perquisitionem et approbationem scriptorum 15
