Circulares litterae dioecesanae anno 1896 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

I.

2

SACRORUM RITUUM CONGREGATIO.

Nr. 278.

CONGREGATIONIS PRESBYTERORUM SS. SACRAMENTI.

Rmus Procurator Generalis Congregationis SSmi Sacramenti a Sacra Rituum Congregatione postulavit, ut sequentia Dubia declarare dignaretur nimirum :

1. An in Ecclesia dicata SSmo Eucharistiae Sacramento, quando fit officium de feria, debeat in suffragiis fieri commemoratio de SSmo Sacramento, omissa commemoratione de Cruce, vel potius commemoratio de Cruce, omissa commemoratione de SSmo Eucharistiae Sacramento ?

II. Sacra Rituum Congregatio, decreto 3. Aprilis 1884. benigne indulsit Congregationi SSmi Sacramenti, ut feria V. quae prima quolibet mense occurrit, recoli valeat sub ritu duplici maiori Commemoratio solemnis de SSmo Eucharistiae Sacramento, dummodo in eam feriam non incidat festum aequalis vel potioris ritus seu dignitatis.

Quaeritur l.° An haec solemnis Commemoratio habeat praecedentiam super festum secundarium eiusdem ritus, sed non eiusdem dignitatis, cuiusmodi esset festum B. M. V. tam in occurrentia quam in concurrentia.

2. ° An eiusmodi solemnis commemorationis in concurrentia cum festo secundario eiusdem ritus et eiusdem dignitatis, Vesperae esse debeant de SSmo Sacramento vel de sequenti ?

III. An post expositionem privatam SSmi Sacramenti, scilicet, aperto ostiolo tabernaculi, dari possit benedictio' cum eodem Venerabili Sacramento in pyxide recondito ?

IV. Sacerdos celebrans coram SSmo Sacramento patenter exposito dum in Evangelio dicit: „Et Verbum caro factum est“ genuflectit aliquantulum versus SSmum Sacramentum :

Quaeritur: An debeat versus idem Venerabile Sacramentum inclinationem facere quotiescumque in lectione Evangelii pronuntiat nomen Iesu ?

Et Sacra eadem Congregatio ad relationem infrascripti Secretarii, exquisito voto alterius ex Apostolicarum Caeremoniarum Magistris, dubiis mature diligenterque perpensis, respondendum censuit :

Ad I. Affirmative ad primam partem : Negative ad secundam.

Ad II. Negative ad primam questionem. Quoad alteram, totum de Festo cum commemoratione Officii votivi.

Ad III. Affirmative.

Ad IV. Affirmative. Atque ita rescripsit. Die 30 Novembris 1895.

CAI. Card. ALOISI-MASELLA S. B. C. Praef.

A. Tripepi Secretarius.