Circulares litterae dioecesanae anno 1896 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
V.
44 Nr. 1443. Nr. 1444. Sancti Iosephi ac aliorum Sanctorum circumferantur, una cum Augustissimo Eucharistiae Sacramento. Hinc Parochus eiusdem Oppidi dubitans, an huiusmodi praxis sit plane conformis Rubricis ac Decretis, a S. R. Congregatione sequentis Dubii solutionem humillime flagitavit, nimirum : „Utrum extra festum Corporis Christi eiusque octavam liceat in honorem Beatae Mariae Virginis aut Sanctorum in vespertinis processionibus deferre Sanctissimum Eucharistiae Sacramentum et etiam Imagines sive Reliquias ipsius Beatae Virginis ac Sanctorum ?“ Sacra porro Rituum Congregatio ad relationem infrascripti Secretarii, audito voto Commissionis Liturgicae, omnibus mature expensis, rescribendum censuit: Ad Dubium: Affirmative de consensu Ordinarii quoad primam partem: Negative quoad secundam. Atque ita servari mandavit. Die 31 Ianuarii 1896. CAI. Card. ALOISI-MASELLA S. R. C. Praef. L. x S. A. Tripepi Secretorius. III. ANNENCIEN. Instante Rmo Dno Episcopo Anneciensi, ut in universis Paroeciis suae Dioeceseos, de Apostolica venia permittatur usus sacrorum Oleorum, anno praecedente benedictorum, usque ad Sabbatum ante Pentecosten exclusive, ne eo tempore absint a propriis Paroeciis Rectores vel Vicarii, quorum ministerio Christifideles egent: S. R. Congregatio referente subscripto Secretario, iuxta votum Commissionis Liturgicae, rescribendum censuit: „Parochus curet, ut Presbyter vel Clericus, si possibile sit in Sacris constitutus, nova Olea Sacra recipiat. Quod si aliquod adhuc extet impedimentum, idem Parochus vel per se vel per alium Sacerdotem benedicat fontem sine sacrorum Oleorum infusione, quae privatim opportuno tempore fiet : nisi aliquem baptizare debeat, tunc enim in ipsa benedictione solemi vetera Olea infundat.“ Atque ita servari mandavit. Die 31 Ianuarii 1896. CAI. Card. ALOISI-MASELLA S. R. C. Praef. L. -f- S. A. Tripepi Secretorius. IV. BISARCHIEN. Rector Parochialis Ecclesiae loci vulgo Ozieri, intra fines Dioeceseos Bisarchien. in Sardinia, de consensu sui Rmi Episcopi, a Sacra Rituum Congregatione sequentis Dubii solutionem humillime postulavit, nimirum : „An in eadem Parochiali Ecclesia a fidelibus intra Missam cani possint iuxta antiquum morem, a nonnullis annis interruptum, preces vel hymni lingua vernacula compositi in honorem Sancti vel Mysterii, cuius festum agitur?“ Sacra porro Rituum Congregatio, referente subscripto Secretario, atque exquisito voto Commissionis Liturgicae, rescribendum censuit: Affirmative de consensu Ordinarii quoad Missam privatam : Negative quoad Missam solemnem sive cantatam iuxta Ordinationis pro Musica Sacra Articulum
