Circulares litterae dioecesanae anno 1896 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XXIX.
221 Facultatibus, quas ineunte Arcbiepiscopatus munere ab Apostolica Sede impetraveram ad quinquennium exercendas, exspirationi approperantibus, supplices, porrexi Beatissimo Patri libellos, quatenus easdem ad proximum quinquennium prorogare dignaretur. Annuit Domnus Apostolicus pro gratia, et facultates in foro externo' valiturae tributae sunt rescripto S. Congr. de Prop. Fide die 27 Octobris a. c. dato; facultates pro foro interno exercendae autem mihi factae sunt a S. Poenitentiaria1 Apostolica vigore decreti die 11 Nov. a. c. expediti. (Vide harum facultatum tenorem in Circul. Adioec. a. 1892. pag. 20—24.) Hac eadem die S. Poenitentiaria precibus meis benigne deferens facultatem ex speciali gratia tribuit absolvendi a censura eos, qui matrimonium mixtum coram ministello contraxerunt, durantibus facultatibus quinquennalibus nomine S. Sedis Apostolicae, cum potestate habitualiter etiam subdelegandi, exercendam. Hanc itaque facultatem praesentium tenore omnibus confessariis in hac archidioecesi approbatis, subdelego. (Recole Circul. Adioec. a. 1894. pag. 15 et 24.) Taberna libraria Friderici Equitis Pustet, S. Sedis Apostolicae et S. R. C. typhographi, novam eamque omni exceptione maiorem adornavit et diebus his confecit editionem Breviarii Romani 4 vol. in XII. Ratisbonae 1897., quam, cum ipsa s. Congregatio tuendis sacris ritibus praeposita in adprobationis Decreto, die 31 Augusti 1896. dato, nedum exemplari typicae editionis conformem, verum etiam „novissimis decretis adamussim" concordem testetur, plane non est, cur eam pluribus commendemus. Vacat tamen in eius praeconium nonnulla proferre ; praeterquam enim, quod in hac editione omnes recentiori aetate per S. R. C. inductae immutationes Rubricarum (puta: festi s. Josephi C., — Annuntiationis B. M. V. — S. Thomae Cant. Ep. C.) exequutae sint, additamenta etiam VI. Lectionis festorum ss. Cordis Jesu, Joannis de Deo, Camilli de Lellis et Vincentii a Paulo, suis respectivis locis impressa conspiciuntur, ita ut textu accurato, typorum item pulchritudine et operis omnimoda elegantia, omne tulisse punctum oculo censorio quoque appareat. Pretium huius Breviarii in 4 vol. pro operis diversitate est : 38, 40, 46, 50 et 60 marcae germ, et acquiri potest etiam apud Gustavum Buzárovits bibliopolam Strigonii. Quod communes sacrorum Hungáriáé antistitum litterae ad Clerum die 1. Septembris 1895 dimissae (II. 7.) statuerunt, quippe ut quotanis consignatio fieret matrimoniorum et prolium, praesentibus volo exequendum. Quo autem vocatio ad calculos hac in re fieret facilius et accuratius, curae mihi erat imprimi facere adiacen- tem cum rubricis philyram, cuius rubricas quivis libros parochiales habens mox con- scientiose, rite ac fide omnino digne explere satagat, inscribendo contractorum inde a 1. Octobris anni 1895. usque finem currentis Decembris 1896. matrimoniorum proliumque natarum numerum. Consignatio perficienda usque 15. Januarii simul cum alteris matricularum exemplaribus erit Ordinariatui submittenda. Pro beneficio per translationem vacante mox complendo, praesentibus concursus usque finem Januarii duraturus publicatur. Nr. 5889— 5891. Facultates quinquennales prorogatae; copia item absolvendi a censura eos, qui matrimonium mixtum coram haeretico ministro inierunt, denuo concessa et omnibus confessariis habitualiter subde- legata. Nr. 6667. Breviarium Romanum novissimae editionis commendatur. Nr. 6716. Conspectus tabellaris matrimoniorum inde a 1. Octobris 1895. usque finem currentis anni contractorum proliumque progenitarum conficiendus et iuxta schema dimissum Ordinariatui exhibendus. Nr. 6719. Concursus pro parochia Deménd.
