Circulares litterae dioecesanae anno 1896 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
III.
16 SACRORUM RITUUM CONGREGATIO. Nr. 795. QUEBECEN. Rmus Dnus Ludovicus Hazarius Begin, Archiepiscopus Cyrenensis, Administrator Dioecesis Quebecensis, S. R. Congregationi sequentia Dubia diluenda humiliter proposuit, nimirum : I. An Titulare Festum alicuis Ecclesiae, a die 31 Decembris ad quintam Januarii occurrens, habeat octavam ? II. Utrum dies 30 Dec. assignari possit S. Anastasiae Mart, in Ecclesia propria ? III. Utrum in Ecclesia propria Festum S. Titi celebrandum sit die 4.a Ian. an. 6.a Februarii? IV. Quomodo in Ecclesia S. Adriani Mart, cuius festum occurrit die octava Septembris, ordinari debeat officium Nativitatis B. M. V. et dies eius octava, cum dies 9.a et 10.a Sept, a festis duplicibus minoribus sint impeditae? V. An valide possit Episcopus pro Titulari alicuius novae Ecclesiae designare festum, quod neque in Martyrologio, neque in Supplemento Dioecesis reperitur? VI. Quonam tempore duodecim cerei ardere debeant in Anniversario Ecclesiae consecrata ? VII. Utrum die octava eiusdem Anniversarii Ecclesiae consecratae, c ”ei pariter accendi debeant, aut possint ? VIII. Utrum Decretum in Iialifaxien. editum die 16a Aprilis 1886, ad ojm, iuxta quod dies electionis Episcopi, quoad anniversarium in Dioecesi celebrandum, non ea est qua Bullae datae fuerunt, sed illa qua fuit in Consistorio proclamatus, spectet etiam ad Episcopos per Sacram Congregationem de Propaganda Fide institutos, qui frequenter Bullas receperunt, Dioecesis possessionem acceperunt, imo consecrati fuerunt aliquo tempore ante Consistorium, in quo proclamantur? IX. Utrum Lectiones II. Nocturni, die octava alicuius Sancti, quae non reperiuntur in Breviario, debeant, deficiente Octavario, sumi de Communi primo loco, an vero de die festo iuxta Decretum in una Provinciae ecclesiasticae Quebecern, die 15 Apr. 1880 ad 4"m? X. An Solemnitas SSmi Cordis Iesu possit iuxta regulas ceteris Solemni- tatibus communes peragi ? XI. Utrum Ordinario liceat, ubi ad fovendam devotionem expedit, quibusdam Titularium Ecclesiarum parochialium Solemnitatibus assignare certas per annum Dominicas, etiam ab ipso die festo distantes? XII. An Solemnitati Annunciationis B. M. V. iam concessae, valeat assignari in perpetuum Dominica IIa post Pascha, nisi occurrat festum dupl. primae classis? Et Sacra eadem Congregatio, exquisito voto alterius ex Apostolicarum Caeremoniarum Magistris, reque mature perpensa, rescribendum censuit: Ad I. Affirmative iuxta Rubricas. Ad II. Affirmative, non omissa commemoratione S. Anastasiae in secunda Missa Nativitatis, ratione Stationis.
