Circulares litterae dioecesanae anno 1896 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XXIII.
186 6. In cultu pomeridiano solitum ex mandato Sanctissimi Domini recitetur Rosarium, ut sequestra Magna Domina, Deus ecclesiae suae tranquillitatem concedat et regno nostro pacem felicitatisque amplitudinem. 7. Oratio, quam pro anno labente imperavimus singulis sabbatis recitandam, postmodum desumenda veniet ex Missa Magnae Dominae, cuius exemplar una cum Officio praesentibus dimittitur. Praesentem voluntatis ac dispositionis paginam hac nonnisi vice valituram declaramus, congruam vero futuris temporibus festi celebrationem, devotioni potius singulorum curionum remittimus atque spectatae pietati, de qua haud inanem, imo spem pascimus omnino eximiam. Datum in loco nostro natali, ubi aram principalem antiquitate praestantis ac opere eximiae Nascentis B. M. V. Ecclesiae, in qua olim sacro baptismatis rore tincti sumus, nunc lege artis castigatae et honorifice restauratae, ipsius recurrente Festo Titulari, solemni ritu consecravimus. Keszthely 8 Septembris, festo Parvae Dominae 1896. Claudius Card. AEppus.
