Circulares litterae dioecesanae anno 1896 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XIX.
157 p XIX. S. R C. STRIGONIEN. Iampridem Sacrorum Antistites una cum Clero in Hungáriáé Regno pro ipso Rege Apostolico publicas preces fundere, verum liturgico more, concupiverant, quum feria sexta in Parasceve, tum Sabbato sancto, dum cereus benedicitur. Nuper vero Emus ac Rmus Dnus Cardinalis Claudius Vaszary Archieppus Strigonien, et Princeps Primas Hungáriáé, communia quoque vota depromens, Sanctissimo Domino Nostro Leoni Papae XIII. peculiarium formularum schema, quoad eiusmodi liturgicam Regis mentionem humiliter subiecit, ut illas suprema auctoritate sua approbare et Hungáriáé Dioecesibus permittere dignaretur. Sanctitas porro Sua, suplicia haec vota peramanter excipiens, benigne indulgere dignata est, ut tam in Missa Praesanctifica- torum seu feria sexta in Parasceve, quam insequenti Sabbato in Benedictione Cerei, in cunctis Ecclesiis Hungáriáé, insequentes precum formulae adhiberi queant, nimirum: Nr. 3787. Norae precum formulae pro Rege Hungáriáé Apostolico adhibendae in Missa praesan- ctificatorum et praeconio paschali. Feria VI. in Parasceve: Oremus et pro gloriosissimo Rege Apostolico N., ut Deus et Dominus Noster det illi sedium suarum assistricem sapientiam, qua populum sibi commissum gubernet in omni iustitia et sanctitate ad divinam gloriam et nostram perpetuam pacem. Oremus. Flectamus genua. R. Levate. Omnipotens sempiterne Deus, qui regnis omnibus aeterna potestate dominaris, respice ad Hungaricum benignus Regnum, ut et Rex iuste imperando et populus fideliter obediendo, ad gloriam tui Nominis et Regni tranquillitatem unanimi pietate conspirent. Per Dominum. Sabbato autem s. dicatur: Respice etiam ad devotissimum Regem Apostolicum nostrum N., cuius tu Deus desiderii vota praenoscens, ineffabili pietatis et misericordiae tuae munere, tranquillum perpetuae pacis accomoda, et coelestem victoriam cum omni populo suo. Per eundem Dominum. Contrariis non obstantibus quibuscumque. Die 6. Julii 1896. CAL Card. ALOISI-MASELLA S. R. C. Praefeci. A. Tripepi S. R. C. Secretarius. 26
