Circulares litterae dioecesanae anno 1895. ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XI.
93 XL S. RITUUM CONGREGATIO. I. MACAONEN. Rmus Dnus Ioachimus de Medeiros, Episcopus Macaonensis, Ditionis LusitanaeNr. 2373. apud Sinas, maxime cupiens ut sacri ritus in sua Dioecesi, iuxta ecclesiasticas praescriptiones ab omnibus serventur, insequentium dubiorum solutionem a Sacra Rituum Congregatione humiliter petit, nimirum : I. Utrum presbyter qui Missam conventualem de Octava Omnium Sanctorum die 2 Novembris celebrat, possit ex parte uti concessione a Benedicto Papa XIV facta Regno Lusitaniae dicendi tres Missas pro defunctis, alias duas Missas de Requie celebrando ? II. Utrum occurrente prima feria sexta Novembris die, quo iit commemoratio Omnium Fidelium Defunctorum, liceat Missam votivam celebrare de Sanctissimo Corde lesu iuxta decretum Sacrae Rituum Congregationis 28 Iunii 1889? III. Et quatenus affirmative ad II. utrum eadem die apud Lusitanos liceat celebranti praedictam Missam votivam, duas alias de Requie celebrare? IV. Utrum feria V in Coena Domini in Missa Pontificali Presbyter et Diaconi assistentes, Canonicus baculum sustinens pluviali paratus, et Subdiaconus, si sint Presbyteri stolam assumere debeant priusquam de manu Episcopi communionem accipiant ; an potius ad Sacram Synaxim teneantur accedere issdem tantum modo para- mentis, quibus utebantur ab initio Missae? V. Utrum festum Ss. Cordis lesu quod inter festa secundaria duplicia Primae classis in Calendario Universali ex Decreto 22 Augusti 1893 a Sacra Rituum Congregatione recensetur, quodque iamdiu apud Lusitanos ut primarium celebratur sub praecepto in utroque foro, addito etiam ieiunio jiervigilii, nunc vi laudati Decreti celebrari debeat ut secundarium ; an potius ut primarium in Lusitana Ditione retinendum sit ? VI. Utrum consuetudo, qua simplex Sacerdos vel Canonicus Missam solemnem celebrans, concionatorem, qui post Evangelium praedicat, benedicit, servari possit? VII. Utrum Sacerdos qui festo Nativitatis Domiui, vel die secunda Novembris in Lusitania, tres Missas consecutive legit, quin ab altari recedat, teneatur post unamquamque Missam recitare ter Ave Maria, Salve Regina et ceteras orationes iussu 17
