Circulares litterae dioecesanae anno 1895. ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
V.
35 DECRETUM S. ROMANAE ET UNIVERSALIS INQUISITIONIS. Feria IY. die 5 Decembris 1894. Cum recenter ad hanc Supremam Congregationem S. R. et U. Inquisitionis a compluribus Episcopis pervenerint petitiones, quarum omnium una mens erat, abstinentiae legem, de qua valde solliciti sunt, magnis in populorum concursibus aegre admodum ac difficulter variis de causis posse servari et damno potius animarum quam saluti praebere occasionem, Eminentissimi ac Reverendissimi Domini S. R. E. Cardinales contra haereticam pravitatem in universa Christiana republica Generales Inquisitores, in plenario comitio dictae feriae IV. die 5, Decembris 1894, re integre proposita ac mature perpensa, decreverunt ut infra, scilicet. Supplicandum Sanctissimo ut Episcopis aliisque locorum Ordinariis concedere dignetur facultatem anticipandi die sibi benevista atque ob gravissimas causas etiam dispensandi super lege ieiunii et abstinentiae, quando festum sub utroque praecepto servandum Patroni Principalis aut Titularis, vel solernne aliquod festum item magno populorum concursu celebrandum, inciderit in ferias sextas aut sabbata per annum, excepto tempore quadragesimae, diebus quatuor temporum et vigiliis per annum ieiunio consecratis; atque ut eadem anticipandi seu etiam gravissimis de causis dispensandi potestate uti possint pro diebus, quibus nundinae extraordinariae, magno item popidorum concursu, habeantur. Habita autem per R. P. D. Adsessorem S. O. relatione Sanctissimo Domino Nostro Leoni Papae XIII, idem Sanctissimus Dominus praesens decretum ratum habuit et confirmavit ac omnibus et singulis locorum Ordinariis facultatem, de qua agitur, perpetuis futuris temporibus concessit ac attribuit, facta tamen in singulis casibus mentione apostolicae dispensationis. Ios. Mancini S. Rom. et Univ. Inquis. Notarius. Quas anno superiore circa observantiam ieiunii et abstinentiae statueram normas, hac quoque vice pro anno labente valere volo; quae proinde Circularibus I. (a. 1894. Nr. 339. pag. 6. 7.) continentur, per extensum relegantur attente et fidelibus opportune seu Dominica Quinquagesimae ex ambone communicentur. Confido autem illa omnia eo religiosius fore observanda, quo amplior in cis elucet Matris Ecclesiae indulgentia, quae prout videtis tanta est, ut antiquae vix remanserit umbra disciplinae. Utentes itaque hac dispensatione, alia pietatis, beneficentiae ac poenitentiae opera satagant peragere ac in primis eleemosynam largiri, necnon pro exaltatione s. Matris Ecclesiae, pro incolumitate SS. Patris Leonis et pro omnimoda patriae nostrae salute divinam Clementiam impensius exorare. Tragor Franciscus, parochus ecclesiae Kopcsány die 5 mensis labentis apoplectico ictu, extreme tamen unctus, e vivis sublatus est anno aetatis 66. sacerdotii 41, ex quibus plus quam sex lustra qua parochus unius eiusdemque loci explevit. Nr. 663 Facultas anticipandi ac etiam dispensandi in lege ieiunii et abstinentiae in certis casibus Ordinarii, loci concessas. Nr. 549. Relaxatio in lege abstinentiae diebus ieiunii et sabbatis per annum. Nr. 528. Mors Tragor Francisci.
