Circulares litterae dioecesanae anno 1894. ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

VII.

86

Itaque nemo cuiuscumque gradus et conditionis praedicta Opera damnata atque proscripta, quocumque loco et quocumque idiomate, aut in posterum edere, aut edita legere vel retinere audeat, sed locorum Ordinariis, aut haereticae pravitatis Inquisitoribus ea tradere teneatur, sub poenis in Indice librorum vetitorum indictis.

Quibus Sanctissimo Domino Nostro Leoni Papae XIII. per me infrascriptum S. I. C. a Secretis relatis, Sanctitas Sua Decretum probavit, et promulgari praecepit. In quorum fidem etc.

Datum Romae die 9. Iunii 1894.

Marchese Virginio. — La Riforma dei Clero secondo il Concilio di Trento.

— Torino, 1884.

Id. — Difesa del libro: La Riforma del Clero secondo il Concilio di Trento.

— Torino, 1884.

Id. — La Conversione dei Protestanti per mezzo del Concilio di Trento.

— Torino, 1885.

Id. — Il Diaconato Cattolico e la Questione Sociale — Torino, 1891. — Proscr. Deer. S. Officii 9 Martii 1892. — Auctor laudabiliter se subiecit et opuscula reprobavit.

Miavart St. George. — Happiness in Hell. (Nineteenth Century). — London, December, 1892. -— et The Happiness in Hell, ibidem, Febr. 1893. — et Last Words on the Happiness in Hell, ibidem, Apr. 1893. ■— Proscr. Deer. S. Off. 19. Iulii 1893. — Auctor laudabiliter se subiecit et opuscula reprobavit.

f SERAPHINUS Episc. TUSCULANUS Card. VANNUTELLI Praef. Fr. Marcolinus Cicognani, Proc. Gen. 0. P. a Secretis.

Loco f Sigilli.

Di 12. Iunii 1894. ego infrascriptus Mag. Cursorum testor supradictum Decretum affixum et publicatum fuisse in Urbe.

Vincentius Benaglia Mag. Curs.

Nr. 3741.

Missae pro defunctis Episcopis.

DECRETUM.

Qui pro Domini grege vitam impenderunt aequum est, ut Ecclesiae suffragiis singulari modo post mortem iuventur. Sacris ideo Ritibus praeposita Congregatio, re mature perpensa, decernendum esse statuit: ut dum corpus .Episcopi Dioecesani defuncti, sacris indutum vestibus, in propriae Aedis aula maiori, publice et solem- niter iacet expositum, Missae in suffragium animae eius per totum mane celebrari valeant; iis omnibus servatis, quae de Episcopi defuncti corpore exponendo ac suffragiis ferendis in Caeremoniali Episcoporum Libro II. Cap. XXXVIII. praescribuntur. Quod privilegium Episcopis in sua Dioecesi concessum, ad Vicarios Apostolicos in suis Vicariatibus, nec non ad Abbates ceterosque Praelatos Nullius Dioeceseos, iuris-