Circulares litterae dioecesanae anno 1893. ad clerum archi-dioecesis strigoniensis a Claudio Francisco Vaszary principe primate regni Hungariae et archi-episcopo dimissae

IX.

75

Dno Nostro Leoni Papae XIII. ut etiam Cliristifidelibus devote peragentibus hoc pium exercitium caelestes Indulgentiarum thesauros benigne reserare dignaretur. Porro Sanctitas Sua, cui summopere cordi est, ut erga Bmam Virginem sub titulo SSmi Rosarii cultus foveatur et pietas, relatas preces in Audientia habita die 21. Septembris 1889. ab infraseripto Secretario Sac. Congregationis Indulgentiis Sacrisque Reliquiis praepositae peramanter excepit, et alia quacumque abrogata Indulgentia, quae fortasse pro universis Cliristifidelibus eidem pio exercitio quomodolibet fuerit adnexa, omnibus utriusque sexus Cliristifidelibus, qui in singulis haud interruptis quindecim Sabbatis vel immediate praecedentibus idem festum B. Mariae Virginis sub titulo SSmi Rosarii, sive etiam quolibet infra annum tempore, vere poeni- tentes, confessi ac sacra Communione refecti tertiani saltem SSmi Rosarii partem devote recitaverint, vel aliter eiusdem SSmi Rosarii mysteria pie recoluerint, Plenariam Indulgentiam, defunctis quoque applicabilem, semel tantum in uno ex supra- dictis Sabbatis, uniuscuiusque arbitrio eligendo, benigne concessit; in reliquis vero quatuordecim Sabbatis Indulgentiam septem annorum totidemque quadragenarum, ani- mabus in Purgatorio detentis item applicabilem, clementer elargitus est. Praesenti in perpetuum valituro absque ulla Brevis expeditione. Contrariis quibuscumque non obstantibus.

Datum Romae ex Secretaria eiusdem Sac. Congregationis die 21. Septembris 1889.

Pro Emo ac Rmo Dno C. CARD. CRISTOFORI, Praefecto. L. f S. A. CARD. SERAFINI EP. SAB.

t ALEXANDER EPISCOPUS OENSIS, Secretarius. II.

II.

Ex decreto S. Congregationis Indulgentiis Sacrisque Reliquiis praepositae, edito sub die 21. Septembris 1889., SSmus Dnus Noster Leo PP. XIII. Indulgentiarum thesauro benigne ditavit singulare pietatis obsequium quod Christifideles tribuunt Beatae Mariae Virgini sub titulo SSmi Rosarii quindecim Sabbatis haud interruptis vel immediate ante festum eiusdem B. Mariae Virginis sub memorata invocatione, vel etiam quovis anni tempore. Verum experientia compertum est pleros- que inter fideles, eos potissimum qui ad classem operariorum pertinent, feriatis diebus admodum difficile huiusmodi pium exercitium in honorem Deiparae Virginis praestare posse, proindeque Indulgentiis eidem adnexis omnino privari. Quae SSmo Dno Nostro preces admotae sunt, ut quoties Christifideles legitimo impedimento detineantur quominus praefatum pium exercitium die Sabbati peragere valeant, eis daretur absque Indulgentiarum iactura illud explere die Dominica. Has porro preces relatas in audientia habita die 17. Septembris 1892. ab infraseripto Secretario eiusdem Sacrae Congregationis Indulgentiis Sacrisque Reliquiis praepositae, idem SSmus peramanter excipiens, pro gratia annuere dignatus est; aliis ceteroquin servatis conditionibus in supradicto Decreto iam praescriptis pro Indulgentiis assequen-