Circulares litterae dioecesanae anno 1893. ad clerum archi-dioecesis strigoniensis a Claudio Francisco Vaszary principe primate regni Hungariae et archi-episcopo dimissae
IX.
73 Eminentissimus ac Rssimus Dnus Cardinalis et Archi-Episcopus Noster, prout jam e publicis ephemeridibus intellexistis, Romam ad visitanda limina Apostolorum concessit, ut tertiam Hungarorum peregrinationem altissimo Suae Sanctitatis conspectui sistat, filialia omnium nostrum vota coram Jesu Christi in Terris Vicario exsolvat et subin in celebrando proxime Consistorio galerum cardinalitium recipiat. Quamvis ad aram litantes quotidie memores simus Archi-Praesulis Nostri, filialis tamen devotio et pietas deposcit, ut in aliis quoque precationibus et orationibus memoriam illius habeamus Divinam exorantes Majestatem, ut Archi-Praesulem Nostrum sanum ac vegetum in apostolico suo itinere conservare et feliciter ad gregem suum reducere dignetur. Strigonii, die 20-a Maii 1893. LEO PP. XIII. Ad perpetuam rei memoriam. Quo magis fidelium erga Bmam Virginem Ivarmelitidem devotio augescat et pietas, unde eorum animis uberrimi et salutiferi fructus derivare possunt, piae postulationi Dilecti Filii Aloisii Mariae Galli Summi Moderatoris Ordinis B. M. V. de Monte Carmelo Veteris Observantiae benigne inclinati, peculiari privilegio Carmelitanas Ecclesias locupletare statuimus. Quapropter de Omnipotentis Dei misericordia ac BB. Petri et Pauli App. Eius auctoritate confisi, omnibus et singulis utriusque sexus christifidelibus vere poenitentibus et confessis ac S. Communione refectis, qui quamlibet ex Ecclesiis vel quodlibet ex publicis Oratoriis sive Fratrum sive Monialium universi Ordinis Karmelitidis tum Calceatorum tum Excalceatorum ubique locorum existentibus die decimasexta mensis Julii cuiusque anni, qua festivitas Deiparae Virginis de Monte Carmelo celebratur, a primis vesperis usque ad occasum solis diei huiusmodi devote visitaverint, ibique pro Christianorum Principum concordia, haeresum extirpatione, peccatorum conversione, ac S. Matris Ecclesiae exaltatione pias ad Deum preces effuderint, quoties id egerint, toties Plenariam omnium peccatorum suorum Indulgentiam et remissionem, quam etiam animabus christifidelium, quae Deo in charitate coniunctae ab hac luce migraverint, per modum suffragii applicare possint, misericorditer in Domino concedimus. Non obstantibus Nostra et Cancellariae Apostolicae regula de non concedendis indulgentiis ad instar, aliisque Constitutionibus et Ordinationibus Apostolicis, ceteNr. 3159. Iter Archi- Episcopi Romanum. Nr. 3160. Indulgentiae Ecclesiis Carmelitanis adnexae.
