Circulares litterae dioecesanae anno 1893. ad clerum archi-dioecesis strigoniensis a Claudio Francisco Vaszary principe primate regni Hungariae et archi-episcopo dimissae
VII.
49 dummodo sint confessarii ab Ordinario approbati, nec non praevia ejusdem Ordinarii licentia (quae si desit, hujus privilegii concessio nulla sit) consueto ritu benedicere et fidelibus imponere valeant scapularia Confraternitatum SSmae Trinitatis, B. M. V. de Monte Carmelo, et Septem Dolorum, nec non Imm. Conceptionis ejusdem Deiparae Virginis cum communicatione privilegiorum et indulgentiarum, quibus adscripti memoratis sodalitatibus fruuntur et gaudent, sed eis tantum in locis in quibus non extent conventus Ordinum, Religiosorum ad quos ex speciali privilegio Apostolicae Sedis pertinet praefata Scapularia benedicere et imponere. Tandem singulis Presbyteris, quos superius memoravimus, ut de respectivi Ordinarii consensu (quem nisi consequantur hoc indultum nullum decernimus) Christifidelibus in mortis articulo constitutis si vere poenitentes et confessi ac S. Communione refecti, vel quatenus id facere nequiverunt saltem contriti nomen Jesu ore, si potuerint, sin minus, corde devote invocaverint, et mortem tamquam peccati stipendium de manu Domini patienti animo susceperint, Benedictionem Apostolicam Nostro et Romani Pontificis pro tempore exi- stentis nomine cum plenaria omnium peccatorum suorum indulgentia et remissione impertire possint, servatis tamen ritu et formula a Benedicto xiv decessore Nostro praescriptis facultatem concedimus et indulgemus. In contrarium facientibus, etiam quoad Indulgentias ad instar, non obstantibus quibuscumque. Praesentibus valituris in perpetuum. Volumus autem ut praesentium litterarum transumptis etiam impressis, manu alicujus Notarii publici subscriptis et sigillo personae in ecclesiastica dignitate constitutae munitis, eadem prorsus habeatur fides, quae haberetur ipsis praesentibus si forent exhibitae vel ostensae. Datum Romae apud S. Petrum sub annulo Piscatoris die m Februarii MDCCCXcm. Pontificatus Nostri Anno Decimoquinto. L. f S. S. Card. Vannutelli. Strigonii, die 12-a Aprilis 1893. Occasione qua ex orbe catholico multi fideles Romam petunt causa iubilaei episcopalis Leonis Papae XIII. quaesitum est ab Apostolica Sede: I. Ut peregrini, itinere perdurante, eximantur a lege ieiunii et abstinentiae. II. Ut eisdem, tempore quo Romae degunt, liceat uti, quoad abstinentiam, legibus et induitis propriis suae cuiuslibet nationis. Feria IV. Die 18. Januarii 1893. Ssmus D. N. Leo Div. Prov. Papa XIII. per facultates Emo ac Rmo D. Cardinali Supremae Univers. Inquis. Secretario impertitas, RR. DD. Consultorum S. Officii voto, benigne annuit, pro gratia in omnibus, iuxta preces, contrariis non obstantibus quibuscumque. Nr. 2371. E S. Congr. Inquisitionis quoad fideles occasione jubilaei episcopalis Sanctissimi D. Komám peregrinantes. Strigonii, die 12-a Aprilis 1893. I. MANCINI S. R. U. J. Notarius.
