Circulares litterae dioecesanae anno 1893. ad clerum archi-dioecesis strigoniensis a Claudio Francisco Vaszary principe primate regni Hungariae et archi-episcopo dimissae

XVII.

171

XVII.

Ut etiam Venerabili clero Archi-Dioecesano officiose innotescat, qualisnam mutatio personalis tam in vicariatu generali Strigoniensi, quam in vicariatu archi- episcopali Tirnaviensi nuperrime facta fuerit, praesentibus publici iuris facio meas ad resignantem Vicarium Generalem et neonominatos Vicarios Generalem nempe et Arcbi-Episcopalem Tirnaviensem formatas litteras:

Illustrissimo ac Reverendissimo Stepbano Maj er, el. Episcopo Stagnensi, E.

M. S. Praeposito Majori et Canonico etc. etc.

Sub 15-a Octobris an. cur. exaratis litteris Illustritas Vestra munus Vicarii et Causarum Auditoris Generalis Strigoniensis ad manus meas resignavit petiitque ab eo relevari. Verbis resignationis perlectis longa meae menti obversabatur series munerum, quae per annos quinquagintaseptem in hac Archi-Diocesi Illustritas Vestra Reverendissima obibat; quibus singulis singularia fidelitatis, probitatis, laboriositatis et affabilitatis dedit specimina exemplaque imitanda; quibus singulis se et Archi- Praesulibus et Clero Dioecesano praestitit utilem, charam acceptamque; quibus singulis utrique reipublicae: sacrae et profanae saluberrima exhibuit servitia.

Haec mihi consideranti atque, ut est par, aestimanti, fateor, grave est videre Virum talium virtutum et meritorum e publico munere recedere ; gravius, in administrando vasto Archi-Episcopatu carere adjutore tam probato.

Si nihilominus resignationem Illustritatis Vestrae accepto, votis longo morbo confirmatis adactus facio; enimvero cui laborare semper dulce erat, cui altera erat anima in bonum commune occupari: illa Vestra Illustritas nunc morbi lecto affixa grabato utitur pro mensa scriptoria, et valetudinario pro officii conclavi.

Eapropter petitioni sane aequae ac justae deferens, Illustritatem Vestram Reverendissimam a munere Vicarii et Auditoris Causarum Generalis praesentibus relevo; simul Eidem Vestrae Illustritati totius Archi-Dioecesis et meas praesuleas intimas exprimo gratias pro omnibus, operibus muneribus, exemplis, verbis, quibus Ecclesiam, Patriam, Clerum Populumque fidelem meque ipsum Illustritas Vestra solata est.

Dominus noster, magna merces sacerdotum, retribuat abundanter hic et in aeternum! Gratia, misericordia et pax a Deo Patre et Christo Jesu Domino nostro.

In reliquo aestimatissimis affectibus commendatus constanti cum propensione maneo Budapestini die 24-a Octobris 1893. Illustritatis Vestrae addictissimus Claudius m. p. Cardinalis Archi-Episcopus.

Venerabili Fratri Illustrissimo ac Reverendissimo Domino Josepho Boltizár consecrato Episcopo Mylasensi etc. etc. Salutem in Domino Sempiternam!

Nr. 5972.

Mutatio personalis in vicariatu generali et arch i-episcopali Tirnaviensi.