Circulares litterae dioecesanae anno 1893. ad clerum archi-dioecesis strigoniensis a Claudio Francisco Vaszary principe primate regni Hungariae et archi-episcopo dimissae

XVI.

158

sed etiam Eleemosynarios, Capellanos Communitatum vel piorum Locorum quoad Con- fraternitates in Ecclesiis ipsis concreditis independenter a Parocho, uti communiter fit in Galliis, vel etiam Vicarios tum ob nimias Parochi occupationes tum aliis de causis?

IV. In multis Confraternitatibus, Congregationibus seu Associationibus, v. g. in iis quae a Prima Primaria dependent, usu receptum est, ut in Congregationes, Confraternitates piasque associationes admitti cupientes desiderium suum Consilio et Directori Congregationis prius aperiant, qui si, deliberatione adhibita, annuant petitioni, dies statuitur quo postulantes solemni ritu et forma recipiantur. Eo die omnes conveniunt in Sodalitatis Ecclesiam, concio habetur, postulantes formulam consecrationis B. M. V. alta voce emittunt: dein Rector manu extensa haec vel similia profert: Ego auctoritate mihi concessa recipio vos in Congregationem participesque facio Indulgentiarum et privilegiorum etc.

Iamvero ad maiorem istiusmodi receptionis solemnitatem saepe saepius a Rectore invitatur sacerdos extraneus qui concionem habet, Caeremoniae praeest, numismata, rosaria, scapularia aliaque signa, quae sunt Sodalibus tradenda, benedicit imo et profert verba superius relata. Plerique ex Congregationum Rectoribus id fieri posse pro certo habent, sive quia dictam caeremoniam ut essentialem non habent, sed solam inscriptionem in albo sufficere putant; sive quia persuasum habent facultatem sodales recipiendi posse subdelegari : hinc quaeritur.

a) An istiusmodi ritus sit habendus ut essentialis?

Et quatenus negative

b) An moderator Associationis munus admissionem eo modo peragendi alteri sacerdoti committere possit?

c) An id possit eo saltem in casu quo associationis Statuta, approbante Ordinario, hanc ei facultatem expresse assererent.

Porro S. Congregatio Indulgentiis Sacrisque Reliquiis praeposita relatis dubiis, audito unius ex Consultoribus voto, respondendum censuit:

Ad I. Ad 1. partem — Negative;

Ad 2. partem — Non sufficere.

Ad II. Negative.

Ad III. Affirmative.

Ad IV. Ad 1. partem — Quoad actum receptionis in sodalitatem et benedictionis Scapularium, Rosariorum, etc. Affirmative', quoad ceteras caeremonias:

Ad 2. partem — Affirmative si habeat potestatem subdelegandi;

secus negative.

Ad B. partem — Affirmative.

Datum Romae ex Secretaria eiusdem S. Congregationis die 3. Decembris 1892.

Fr. ALOISIUS Card. SEPIACCI, Praef.

f Alexander Archiep. Nicopolit.. Secret. Strigonii, die 10-a Octobris 1893.

L. f S.